Իդլիբում սպանվել է ոչ թե 33, այլ 80 թուրք զինվոր. Թուրքիան թաքցնում է զոհերի իրական թիվը. Լուսանկար, տեսանյութ

Ըստ թուրքական իշխանական աղբյուրների, զոհերի իրական թիվը երեկվա ռուսական օդուժի ռմբակոցությունների արդյունքում հասել է արդեն 80-ի: Սակայն պաշտոնական Անկարան որոշում է կայացրել թաքցնել այս տվյալները, որպեսզի երկրում կտրուկ հակառուսական արշավ չսկսվի:

Այսօր հայտարարվել է 33 սպանվածների մասին: Ռուսական կողմը հերքում է, որ զոհերը ռուսական օդուժի ռմբակոցությունների արդյունքում են եղել: Թուրքիայում այս պահին կիսատ է գործում ինտերնետ կապը: Այս պահին սահմանափակվել են Twitter-ի, Facebook-ի և Instagram-ի աշխատանքները: Վատ են աշխատում նաև WhatsApp մեսինջերը ու YouTube-ը:

NetBlocks միջազգային մոնիտորինգային կազմակերպության տեսակետից թուրքական օպերատորները ամեն ինչ անում են, որ հանրության մեջ խուճապ չսկսվի և հակառուսական տրամադրությունները կտրուկ չսրվեն: Էրդողանի խորհրդականն այս կապակցությամբ, սենսացիոն հայատարարությամբ է հանդես եկել, սպառնալով, որ Ռուսաստանը կազմալուծվելու է նրա մեջ ապրող 25 միլիոնանոց մահմեդկանների ճնշման արդյունքում: Նշենք, որ սա շարքային գործչի հայտարարություն չէր, այլ երկրի ղեկավարի խորհրդականի հայտարարություն էր, ինչը ցույց է տալիս, թե ինչ մթնոլորտ է այսօր տիրում Թուրքիայի ներկայիս իշխանության կուլիսներում:

Zham.am