Ֆեյսբուքահայությունը՝ Արթուր Սարգսյանի մասին (Տեսանյութ)

Երեկ մահացավ «Սասնա ծռերին» հաց բերող Արթուր Սարգսյանը: Ֆեյսբուքահյությունն այս առթիվ գրառումներ է կատարել¸ որոնք ներկայացնում ենք ձեր ուշադրությանը:

Քաղաքացիական ակտիվիստ Աշոտ Խաչատրյան.-Պետք չի ափսոսալ կամ իր համար լաց լինել, մարդը բացառիկ սկզբունքայնությամբ պայքարեց ու գիտակցորեն ինքազոհողության գնաց, հերոս հենց նման մարդկանց են անվանում, հերոսների կյանքը հեշտ չի լինում ու իրենք հացադուլը նիհարելու համար չեն անում: Ուրիշ հարց, որ պետք ա ափսոսալ, որ էս մարդու պայքարը ու ինքազոհողությունը արդյունք չի տա, տենց ֆեյսբուքը մի քիչ կտխրի, նկար կփոխի ու կմոռացվի, ինչպես ամենինչն ա մոռացվում Հայաստանում: Ես շատ կտխրեի, եթե պայքարեի, ինքնազոհողության գնայի, անգամ մեծ թվով մարդկանց հարգանքը վայելեի, բայց արածս ոչ մի արդյունք չտար: Մենք տենց էլ ջղայնանալ չսովորեցինք:

ՕՐՕ դաշինքի համամասնական ցուցակի ներկայացուցիչ Հովսեփ խուշուդյան.-Սերժ Սարգսյանն ու ՀՀԿ-ն դանդաղ սպանեցին Հաց բերող Արթուր Սարգսյանին: Հաջորդը դու ես:

Տեղեկատվական անվտանգության փորձագետ Սամվել Մարտիրոսյանն-Հաց բերողը համեստ, քիչ խոսող, շատ անող, համառ հումանիստ էր։ Տենց մարդիկ մեր հասարակությունում չեն դիմանում։

Երգիչ Արթուր Իսպիրյան- Հիշում եմ ինչպես ամեն շաբաթ և կիրակի մեր Արթուրը վերնիսաժում խունկ էր ծխում բոլորի համար: Բոլորը սիրում և հարգում էին նրան¸ նա էլ բոլորին: ազնվագույն մարդ¸ հրաշալի ընկեր¸ իսկակն հայ¸ Աստված հոգիդ լուսավորի¸ Արթուր ջան:

Դերասան¸ հումորիստ Հայկ Մարության-Հաց Բերողին սպանեց ՀՀԿ-ի համակարգը: Ով ընտրելու է ՀՀԿ, թող իմանա, որ այս մահն էլ է իր վրա գրվում: Ցավակցում եմ Արթուրի ընտանիքին և հարազատներին, ... և մեզ, քանի որ Արթուրը բոլորիս հարազատն էր...

Քաղաքացիական ակտիվիստ Շանթ Հարությունյան- Չեմ կարողանում քնել․․․Այնքան էի մտերմացել Արթուրի հետ ընդամենը 6 հանդիպումով․․․Արթուր, Արթուր, Արթուր․․․Վաղը 18:00-ին Ազատության հրապարակ

Հաղորդավար Արմեն Դուլյան-էդ ինքնախարազանման փոխարեն եթե համազգային շարժում ծավալվի «Ապրիլի 2-ին ոչ մի քվե Հաց Բերողի դահիճներին» կարգախոսով, շատ ավելի օգտակար կլինի թե քաղաքացիական հասարակության կայացման, թե իր հիշատակի համար...

Քաղաքագետ Բենիամին Մաթևոսյան-. Հաց բերողի մահն ինձ մոտ ամոթի զգացում է առաջացրել։ Ես, անկեղծ, ամաչում եմ, որ Արթուրն իր կյանքը զոհասեղանին դրեց իր համոզմունքների համար, իսկ մենք, կենդանի լինելով, չենք կարողանում շարժում գեներացնել և փոխելով իշխանությունը՝ այնպիսի երկիր կառուցել, որում արժանի կլիներ ապրել պարոն Սարգսյանը։ Ամո՛թ է։

Zham.am