«Այո՛» հոլովակը ցույց տվեց, որ Փաշինյանը 2018-ի հեղափոխության ժամանակներից դուրս չի եկել. Տեսանյութ
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Հրահանգել է թեժացնել պայքարը
Իշխանության մեջ կան մարդիկ, որ Հայ Առաքելական եկեղեցու հետևորդներ չեն և կակտիվացնեն հակաքարոզը
ԱԳՆ-ն աշխատանքից հեռացրել է Փաշինյանի առջև դրոշը գլխիվայր դրած աշխատակցին
Նիկոլին հողատու և դավաճան անվանելու համար 22-ամյա կապանցուն 1 շաբաթ պահել են հոգեբուժարանում
«Փաշինյանի շնորհավորանքն Ադրբեջանում համարվելու է թուլության նշան»․ Ոսկան Սարգսյան
«Այո՛» քարոզչական խմբի կողմից պատրաստված հոլովակը ցույց է տալիս, որ Փաշինյանն ու նրա թիմը մնացել են հին ժամանակներում և ադեկվատ չեն գնահատում ներկան: Հոլովակի մեջ կարմիր թելի պես անցնում է Փաշինյանի կերպարը: Նա՝ ժողովրդի հետ, ժողովրդի կողքին կերպարում է: Միայն երեխաների հետ նկար չուներ ինչպես Իոսիֆ Ստալինը: Ընդանրապես հոլովակի առանցքում Փաշինյանն էր, և իր հետ «հատուկ կապ» ունեցող հեղափոխական զանգվածները: Նույնիսկ հեղափոխության սիմվոլներից մեկը՝ «Չալո» անունով շունն էր ներկայացված հոլովակում:
Իսկ, որպես ազդակ, հոլովակը կոչ էր անում հեղափոխական քաղաքացուն ասել «Այո՛» հեղափոխությանը: ինչո՞ւ, պատասխան չկա: Այն, որ Փաշինյանն ու նրա թիմակիցներին պետք է այդ «Այո՛»-ն հասկանալի է: 8 ամսում 30 հազար դոլար պարգևավճար ստացած նախարար Զարուհի Բաթոյանին հասկանալի է, թե ինչու պիտի «Այո՛» ասի: Բայց ինչո՞ւ պիտի 3 հազար դրամ ավել ստացող թոշակառուն «Այո՛» ասի, պարզ չէ: Իհարկե, եթե նա իսկապես Չալոյից չի տարբերվում, ապա կարող է «Այո՛» ասել: Սակայն 650 հազար «չալոներ» գտնելը հեշտ գործ չէ: Դրա համար էլ Փաշինյանի թիմը ավելի քան 200 մլն դրամի գումար է հավաքում տարածքային նախարարին էլ շտաբի պետ է նշանակել, որ բազմաթիվ «արջի ծառայությունների» միջոցով կարողանա հայթայթել այդ 650 հազարը:
Սակայն ամենաառանցքայինը հոլովակում այն միտքն էր, թե իբր «Այո՛» ասելով մարդիկ փաստացի ազատությանն են «Այո՛» ասում: Այստեղ իհարկե նացիստական Գերմանիայի պրոպագանդայի նախարար Գեբելսը կնախանձեր այս աստիճանի լկտիությանը: Բանն այն է, որ այս հանրաքվեով Փաշինյանն ուզում է երկրում վերջնականապես հաստատել իր բռնատիրական լիազորություններ՝ սահմանափակելով մյուս բոլորի ազատությունը: Իսկ դա քաղաքացու ազատության հետ ոչ մի կապ չունի: Ճիշտ հակառակը, եթե մարդիկ «Այո՛» ասեն դրան, ապա կհանձնեն իրենց ազատությունը Փաշինյանին: Դա դասական իմաստով կոչվում է բռնատիրություն: Եվ ամենևին էլ կապ չունի, թե այդ բռնատերի ազգանունը Փաշինյան է, Սարգսյան, Կիրակոսյան, թե Պողոսյան: Փաստորեն ստացվում է, որ 2018-ի ապրիլին մարդիկ «մերժեցին Սերժին» հանուն Նիկոլի բռնատիրությա՞ն:
Կոմունիզմի փլուզումից հետո մարդկանց այս աստիճանի չէին ծաղրել: Հավանաբար հիմա եկել է մի սերունդ, ով կոմունիզմ չի տեսել և Փաշինյանն ու իր թիմակիցները հույս ունեն այդ հիմքի վրա փորձեն ձևավորել «նոր կոմունիզմ» ու այն անամոթաբար անվանել «նոր Հայաստան»:
Սա է իրականությունը:
Դավիթ Մկրտչյան
Հետևեք մեզ Facebook-ում