Ինչ՞ու Տեր-Պետրոսյանը որոշեց աջակցել Փաշինյանին հանրաքվեի հարցում. Տեսանյութ

Կարելի է նկատել, որ վերջին մեկ տարվա ընթացքում Տեր-Պետրոսյանի թիմն իրեն պասիվ է  պահել: Այս հանգամանքը պայմանավորված էր նրանով, որ Փաշինյանը առհամարեց լևոնականներին և նրանց հետ   կոալիցիա չկազմեցլ: Հավանաբար, որպեսզի Տեր-Պետրոսյանի պատճառով իր  վարկանիշը կտրուկ չի իջնի:  Դա հասկանում էր նաև Տեր-Պետրոսյանը և այդ պատճառով էլ իր թիմակիցներին հրահանգել էր շատ ակտիվ հանդես չգալ ի պաշտպանություն Փաշինյանի: Վերջինս դրանից չէր նեղվում, քանզի հանրության մեջ առանց այդ էլ տարածված է այն միտքը, որ այսօր երկրում իշխում է Լևոն-Նիկոլ զույգը: Սակայն չի նշանակում, որ Տեր-Պետրոսյանը կուլիսային հարաբերությունների մեջ չէր Փաշինյանի հետ: Վերջինս  առանց մեծ աղմուկի առաջին նախագահի շատ կադրերին տեղավորում է իշխանական և պետական համակարգում:

Ինչ վերաբերվում է հանրաքվեի մասով Տեր-Պետրոսյանի թիմի դիրքորոշմանը, ապա  դա նշանակում է, որ առաջին նախագահի շրջապատում խիստ մտահոգված են, որ Փաշինյանը հանրաքվեի հարցում կարող է և տապալվել: Այդ իսկ պատճառով նրանք որոշեցին հանդես գալ նման հայտարարությամբ: Սակայն, իրականում Տեր-Պետրոսյանի թիմը այսօր երկրում գրեթե որևէ վարկանիշ չունի և նրանց աջակցությունը Փաշինյանին կարող է նույնիսկ «առջի ծառայություն» համարել: Պարզապես այս ամենը ցույց է տալիս, թե ինչ վախեր է տիրում առաջին նախագահի շրջապատում, որ Փաշինյանի վերաբերյալ նույնիսկ չնչին վտանգի դեպքում նրանք սկսում  են ակտիվանալ: Եվ ճիշտ են անում, քանզի մարտի 1-ի դատավարությունը և նրա ընթացքը վախեցրել է նաև Տեր-Պետրոսյանին: Բացի այդ հետփաշինյանական Հայաստանում անխուսափելիորեն քննվելու է 1996-ի Սահմանադրական կարգի տապալման հարցը, որի արդույնքում գրեթե անխուսափելիորեն  Տեր-Պետրոսյանը կանգնելու է դատարանի առաջ: Հիմնադիր կեղծարարի, և նրա թիմի վախերը կարելի է հասկանալ: Քանզի հետփաշինյանական Հայաստանում  Տեր-Պետրոսյանը այլևս չի ունենալու անվտանգության «բարձիկ», այնպես ինչպես,  որ ուներ 1998-ից անմիջապես հետո և այսօր:

Սա է իրականությունը:

Արտակ Հակոբյան