Ձեր նախարարությունը պետք է զբաղվի այս քարոզչությամբ. վարչապետը գյուղնախին

«Մենք պետք է հստակ հասկանանք, եթե մենք գյուղատնտեսության մեջ տեխնոլոգիաների, գյուղմեխանիզացիայի և այլ խնդիրները չլուծենք, մենք այնտեղ էական արդյունքներ չենք ունենալու», - ասաց ՀՀ Կառավարության այսօրվա նիստում վարչապետ Կարեն Կարապետյանը:

«Հստակ պատկերացնում ենք ոնց ենք անում, մեկ,  2.2 մլն դոլարով չենք սահմանափակվում, եթե լիզինգի հնարավոր գումարները և չափաքանակը ցանկացողների շատ լինի մենք անպայման դրան ռեսուրս կգտնենք», - ասաց վարչապետը, և դիմելով ՀՀ Գյուղատնտեսության նախարար Իգնատին Առաքելյանին հանձնարարեց Կառավարության որոշումի ընդունումից հետո   առավելագույնս հետևողական լինել դրա իրագործման հարցում:

«Որոշման ընդունումից հետո պետք է չհանգստանաք և թողնեք ինքնահոսի, այլ պետք է մեր համայնքներում մարզպետերը, ձեր նախարարությունը զբաղվի այս քարոզչությամբ և այս գործարքի ձեռքը բռնած գյուղատնտեսին ուղեկցի՝ որտեղ է լիզինգը ձևակերպվում, ոնց է ձևակերպվում, ամեն ինչով իրեն պետք է աջակցել»:

Ի պատասխան վարչապետի հանձնարարականի, Իգնատի Առաքելյանը տեղեկացրեց, որ որոշման ուժի մեջ մտնելուց երկու օրվա ընթացքում  պաշտոնական կայքում կհրապարակվեն լիզինգ տրամադրող ընկերությունների անվանացանկը:

Zham.am