Գեղամ Նազարյան. «ՀՀԿ-ն կորցրել է կառավարման թելը» (Տեսանյութ)

Zham.am-ի «Ամբիոն» հաղորդման հյուրն է ՕՐՕ դաշինքի կողմից Տավուշի մարզում առաջադրված պատգամավորության թեկնածու քաղաքագետ Գեղամ Նազարյանը: Նա ներկայացրեց մարտի 14-ին Արմավիրի մարզի Ջրառատ գյուղում տեղի ունեցած արյունալի միջադեպի մանրամասները և ընդգծեց¸ որ հանրապետականների խումբը տուժածների վրա հարձակում է գործել՝ դարանակալելով գյուղապետարանի շենքում:

Նազարյանը անդրադարձել է նաև ՀՀԿ-ն ներկայացնող գործիչների հայտարարություններին¸ առ այն¸ որ վերոհիշյալ միջադեպը առաջին հերթին ձեռնտու չէ հենց Հանրապետական կուսակցությանը և նշել է¸ որ ըստ այդ հայտարարության ստացվում է¸ որ հանրապետականը կորցրել է կառավարման թելը և չի կարողանում վերահսկել իր անդամներին¸ թեպետ ըստ Նազարյանի¸ հարձակվողներն ինքնագլուխ չեն գործել:

Անդրադառնալով Տավուշի մարզի ռեյտինգային քվեարկությանը՝ քաղաքագետը կոչ է արել քաղաքացիներին անպայան մասնակցել ապրլի 2-ին կայանալիք ընտրություններին և քվեարկել¸ եթե ոչ ՕՐՕ դաշինքին¸ ապա ցանկացած այլ ուժի¸ բայց կարևորը ոչ Հանրապետկանին¸ քանի որ ՀՀԿ-ի քաղաքական մենաշնորհը պահպանելու դեպքում մարդկանց կյանքը առնվազն մի քանի տարով կշարունակի դժոխային մնալ:

Մանրամասները՝ տեսանյութում:

Zham.am