Հրայր Թովմասյանը կարող է ձերբակալվել, որևէ խոչընդոտ չկա. Ռուստամ Բադասյան

Այսօր լրագրողների հետ հանդիպմանը ՀՀ արդարադատության նախարար Ռուստամ Բադասյանը՝ անդրադառնալով ՍԴ նախագահ Հրայր Թովմասյանին մեղադրանք առաջադրելուն և դրա հետ կապված տարբեր քննարկումներին նշեց, որ Հրայր Թովմասյանը կարող է ձերբակալվել, որևէ խոչընդոտ չկա

«Որովհետև մեր երկրում նայեք՝ քանի նախկին և ներկա պաշտոնատար անձ կա, որոնց նկատմամբ իրականացվում է քրեական հետապնդում: Եթե կա կոռուպցիոն գործ, անկախ նրանից՝ դա ինչ զուգահեռներ տանելու հնարավորություն կընձեռի, բնականաբար, քրգործերը պետք է քննվեն արդյունավետությամբ: Եթե այսօր չլիներ, մեկի ամիս առաջ լիներ, կասեին՝ ԱԺ-ում, որ վաղ կենսաթոշակը քննարկվում է, դրա հետ է կապված, եթե արդեն լիներ հունվարին, կասեին՝ քանի որ ուժի մեջ է մտել օրենքը ու այն ժամկետն է, որ ՍԴ դատավորները կարող էին վաղ կենսաթոշակի դիմել, դրա հետ է կապված: Միշտ կարելի է զուգահեռներ տանել, բայց եթե նայեք՝ քանի պաշտոնատար անձ է քրգործերով անցնում, կարելի է դիտարկել որպես շահարկումներ»,- ասաց նա:

Բադասյանը տեղեկացրեց՝ Թովմասյանի նկատմամբ հարուցված քրգործը դատավորի կարգավիճակից բխող գործողություններին չի վերաբերում, այլ Արդարադատության նախարար աշխատելու ժամանակահատվածում ենթադրյալ չարաշահումներին, հետևաբար քրեական հետապնդման համար ՍԴ թույլտվությունը չի պահանջվում և անձեռնմխելիություն չունի:

Zham.am