«Տնտեսական հեղափոխության» առանձնահատկությունները

2020–ի բյուջեն հեղափոխական է իշխանավորների և պահպանողական ՀՀ հպարտ քաղաքացիների համար։

Ավելացել են կառավարության ու ԱԺ աշխատակազմի համար իրականացվելիք ծախսերը, իսկ ՀՀ քաղաքացիների համար նախատեսված է 4,9 տոկոս ՀՆԱ աճ։

Հեղափոխականների գործուղումները, ներկայացուցչական ու սպասարկման ծախսերն ավելացել են երկնիշ տոկոսներով, իսկ հպարտ քաղաքացիների մեկ շնչին ընկնող եկամուտը միանիշ թվի ստորին հատվածներում է։

Կյանքի որակի փոփոխությունը փողոցից եկած տղաների ու աղջիկների համար, իրոք, թռիչքային է, իսկ ահա հպարտ քաղաքացիները պետք է կռիվ տան մակրոտնտեսական կայունության համար, հակառակ դեպքում եթե բոլորը լավ ապրեն ու փողի ավելցուկ ունենան, ապա, ըստ պաշտպանյալի, կլինի ինֆլյացիա։

Ահա և «տնտեսական հեղափոխության» ողջ էությունը։

Հ․Գ․։ Օրուելը անհանգիստ շուռումուռ է գալիս դագաղի մեջ։ Իսկ Օտյանը գերեզմանում ամաչում է, որ ընկեր Փանջունու կերպարն այդքան թույլ է ստացվել իր մոտ, քանզի երևակայությունը չի հերիքել, որպեսզի ավելի ճշգրիտ կերպար ստանար այդ հեղափոխական գործչից։

Անդրանիկ Թևանյանի ֆեյսբուքյան էջից