Ադրբեջանը սպառազինության համաշխարհային շուկայի խոշոր գնորդներից մեկն է (տեսանյութ)

Ստոկհոլմի խաղաղության միջազգային հետազոտությունների ինստիտուտը (SIPRI) հերթական զեկույցն է հրապարակել նվիրված սպառազինության համաշխարհային շուկային: Այս անգամ մասնագետներն ուսումնասիրել են դրա շրջանառությունը հինգ տարվա կտրվածքով (2012-2016): Ինչպես պարզվեց, այդ հինգ տարիների ընթացքում շուկան այնքան է ընդյալնվել, որ իր ծավալներով հասել է սառըպատերազմյա շրջանին: Ուսումնասիրության մեջ հատուկ տեղ են զբաղեցնում Ռուսաստանն ու Ադրբեջանը: Պարզվում է նրանք զգալի դեր են խաղում զենքի միջազգային առևտրում:

Համաձայն Ստոկհոլմի ինստիտուտի տվյալների, որն արդեն 50 տարի ուսումնասիրություններ է հրապարակում, սպառազինության վաճառքի միջազգային ծավալը կազմում է 2012–2016 թթ. աճել է 8,4% 2007–2011թթ. ցուցանիշների համեմատ, և հասել մաքսիմումի մյուս հնգամյակների համեմատ: 

Սպառազինության վաճառքի առաջատարը շարունակում է մնալ ԱՄՆ-ն, որը վերահսկում է միջազգային շուկայի մեկ երրորդը: Ռուսաստանը՝ մեկ չորրորդ մասը (23%): Իսկ միասին այդ գերտերությունները մատակարարում են համաշխարհային սպառազինության կեսից ավելին:

ԱՄՆ-ն զենք  է մատակարարում աշխարհի գրեթե 100 երկրի, ինչը շատ ավելին է, քան մյուս մատակարարների դեպքում:

Ինչ վերաբերվում է սպառազինության ռուսաստանյան մատակարարումներին, ապա վերջին հնգամյակում այդ երկրից զենք է գնել  50 երկիր (38%), որի ծավալի հիմնական մասը բաժին է ընկել Վյետնամին (11%), Չինաստանին (11%) և Ալժիրին (10%): Բացի այդ Ռուսաստանից զենք գնողների շարքում առանձնացվում են Վենեսուելան (5%) և Ադրբեջանը (4%):

Հիշեցնենք, որ նախորդ անգամ Ստոկհոլմի խաղաղության միջազգային հետազոտությունների ինստիտուտը հանդես էր եկել մեկ այլ զեկույցով, ըստ որի Բաքուն Մոսկվայից զենք է ձեռք բերում 20 անգամ ավելի, քան Երևանը:

Zham.am