Վիգեն Սարգսյանը Գյումրիում տեղակայված ռուսական ռազմակայանի կարևորության մասին

ՀՀ ՊՆ նախարար Վիգեն Սարգսյանը գտնում է, որ 102-րդ ռուսական ռազմակայանը Գյումրիում հանդիսանում է երկրի անվտանգության կարևոր բաղադրիչ:

«ՌԻԱ Նովոստի»-ին տված ծավալուն հարցազրույցում նախարարը հիշեցրեց, որ հենց Հայաստանն էր նախաձեռնել երկրի տարածքում ռազմակայանի տեղակայման պայմանագրի երկարացումը:

«Կարծում եմ, որ դա ռազմաքաղաքական ոլորտում մեր համագործակցության նշանակալի իրադարձություններից է, և մենք գտնում ենք, որ ռազմակայանը զսպման կարևոր գործոն է: Դրա առկայությունը Հայաստանում  համարում ենք մեր երկրի անվտանգության շատ կարևոր բաղադրիչ», - ասաց նա:

Նա ընդգծեց, որ պայմանագրի երկարաձգումից հետո ռազմակայանը պատասխանում է ոչ միայն անվտանգության հարցերին «նախկին ԽՍՀՄ տարածքի արտաքին սահմանների տրամագծով», ինչպես դա եղել է իսկզբանե, այլև Հայաստանի անվտանգության հարցերին ամբողջությամբ:

Միևնույն ժամանակ նախարարը նշեց, որ ռազմակայանի անձնակազմի քանակի ավելացում հարց ներկայում չկա:

«Ինչ վերաբերվում է ռազմակայանի անձնակազմի և սպառազինության քանակի ավելացմանը, որին նա տիրապետում է, մարտավարական հարց է: Անհրաժեշտության դեպքում նման հարցեր լուծվում են հաշված ժամերի ընթացքում: Փառք Աստծու, դրա համար առկա են բոլոր ուժերն  ու միջոցները», - ասաց նախարարը: 

Zham.am