Միացե՛ք այս հրաշալի նախաձեռնությանը՝ հանուն սահմանապահ գյուղերի

Ֆեյսբուք սոցիալական ցանցում օգտատեր Արման Հայրապետյանն այսպիսի հրաշալի նախաձեռնություն է սկսել, որին միանալը միայն խրախուսվում է.

«Կարծում եմ գիտեք, որ սահմանամերձ ու սահմանապահ գյուղերից նույնպես արտագաղթ կա: Եվ այդ արտագաղթի ՀԻՄՆԱԿԱՆ պատճառը, ոչ թե սահմանային լարվածությունն է, այլ աշխատատեղերի բացակայությունը:

Սահմանապահ Չինարի գյուղում գինու արտադրություն և աշխատատեղեր ստեղծելու համար պակասում է ընդամենը 1.500.000 դրամ: Ու սենց բան եմ մտածել`
բոլոր նրանք ովքեր ցանկանում են աջակցել Չինարիում գինու արտադրությանը, գնում են գինու սերտիֆիկատ 2000 դրամով: Ու եթե 1000 հոգի գնի այդպիսի սերտիֆիկատներ, ապա կհավաքվի 2.000.000 դրամ, որը բավականացնի ոչ միայն գինու արտադրությունը սկսելու, այլ նաև բոլոր սերտիֆիկատ գնողներին արտադրությունը սկսելուց հետո մեկական շիշ գինիով ապահովելու համար:

Այսինքն երկու հազար դրամ վճարելով դուք ոչ միայն օգնում եք սահմանապահ Չինարիում գինու արտադրություն սկսել և աշխատատեղեր ստեղծել, այլ նաև տարվա վերջին ունենում եք մեկ շիշ ԻՍԿԱԿԱՆ գինի` արտադրված սահմանապահ գյուղում:

Գինու գործարանի ծրագիրն արդեն կա, և, ինչպես արդեն նշել եմ, պակասում է 1.500.000 դրամ` ծրագրին ընթացք տալու համար:

Ովքեր պատրաստ են գնել «գինու սերտիֆիկատներ» և երկու հազար դրամով աջակցել գյուղում աշխատատեղերի ստեղծմանը, խնդրում եմ գրառման տակ պլյուս դնեն: Ամեն պլյուսը կհաշվի որպես մեկ սետիֆիկատի գնում: Այսինքն, եթե պատրաստ եք գնել երեք սերտիֆիկատ, ուղղակի երեք հատ պլյուս դրեք:

Պլյուս դնողներին կտրամադրվի հատուկ հաշվեհամար, որին փոխանցումներին համապատասխան կտպվեն սերտիֆիկատներ և կտրամադրվեն բոլոր փոխանցողներին:

Ինչպես նաև կհրապարակվի հաշվետվությունն այդ հաշվեհամարին ԲՈԼՈՐ փոխանցումների վերաբերյալ:

Շնորհակալ եմ բոլորին: ՀԱՅԱՍՏԱՆԸ ՄԵՆՔ ԵՆՔ

Հ.Գ. Եթե պակասող գումարից ավել գումար հավաքվի, մնացածը կուղղվի սահմանապահ Մովսես գյուղում չրի արտադրությանը և գումարի դիմաց կտրամադրվեն «չրի սերտիֆիկատներ» ;) »: