Վիգեն Սարգսյանը պարզաբանել է՝ որ դեպքում «Իսկանդերները» գործի կդրվեն

ՀՀ պաշտպանության նախարար Վիգեն Սարգսյանը  «ՌԻԱ Նովոստի» գործակալությանը տված ծավալուն հարցազրույցում անդրադարձել է «Իսկանդերների» կիրառմանը, նշելով, որ Հայաստանի որոշումը գործարկել դրանք կախված է իրավիճակի զարգացումից: 

«Իսկանդերները» առաջին անգամ ցուցադրվել են սեպտեմբերի 21-ին,  ՀՀ Անկախության 25-ամյակին նվիրված ռազմական շքերթին Երևանում: Սակայն, որոշ տվյալներով, դրանք հայկական զինուժն ավելի շուտ է ստացել և մարտական պատրաստվածության բերվել նախորդ տարվա ապրիլին Լեռնային Ղարաբաղում հակամարտության սրման ժամանակ:

«Ես կարող եմ ձեզ ցույց տալ ալգորիթմը: Այդ զենքի նշանակությունը և պարամետրերը թույլ են տալիս անուղղելի վնաս հասցնել երկրի ենթակառուցվածքներին, ինչի դեմ այն կարող է կիրառվել: Համապատասխանաբար` «Իսկանդերների» կիրառման մասին որոշումը սերտ կապված կլինի իրավիճակի զարգացման հետ: Ամեն դեպքում՝ մենք դիտարկում ենք այն որպես երաշխավորված հարվածի զենք, եթե լինի նման անհրաժեշտություն: Դա առաջին հերթին զսպման զենք է: Միանգամայն ակնհայտ է, որ իրավիճակի զարգացումը կարող է թելադրել նման մոտեցումների վերանայում, բայց սկզբունքորեն, իր գաղափարախոսությամբ, իր հնարավորություններով այդ զենքն այնպիսին է, որ պետք է զովացնի ցանկացած տաք գլուխ որոշումների կայացման առումով», - ասաց նա:

Zham.am