Իսկ ինչո՞վ է ավելի լավը գլխավոր դատախազ Արթուր Դավթյանը` Մանվել Գրիգորյանից (Տեսանյութ)
Գեներալ Մանվելի խափանման միջոցը փոխելուն դեմ ամբոխը փորձում է իր բողոքին կազմակերպչական ձև տալ և այն դարձնել հեղափոխական - խունվեյբինական շարժում: Սակայն այդ «շարժումը» կարծում ենք, որ անմեղ բնույթ չի կրում, այլ հստակ ուղղորդվում է վերևներից: Թե այլ երկրներում ինչ վնասներ են բերել նմանատիպ շարժումները, հայտնի է բոլորին: Ի դեպ, ուշադրություն դարձնելով մերօրյա այս խույնվենբիններին, կարելի է նկատել, որ նախկինում նրանք բողոքողների շարքում երբևէ չեն նկատվել: Հանրությունը սրանց երբևէ չի ճանաչել, ավելին, սրանց զգալի մասը նախկինում աշխատել են հենց ՀՀԿ- ականների օգտին: Պարզապես կոնյուկտուրայի լավ հոտառություն ունեն և հույս ունեն իրենց այս «շարժումների» դիմաց արժանագույնս պարգևատրվել ներկայիս իշխանությունների կողմից:
Ի դեպ հետաքրքրական է, որ «բողոքավորներին» անձամբ է հանդիպել նաև գլխավոր դատախազ Արթուր Դավթյանը և հայտարարել, որ համերաշխ է «բողոքավորների» պահանջի հետ:
Այդ նույն Դավթյանը, ով ընդամենը 1 տարի առաջ նույն Մանվելի հետ ծառայում էր մեկ տիրոջը: Ընդ որում, դեռ հարց է, թե այն հին համակարգում ով է ավելի վատ դեր կատարել հանրության համար՝ գեներալ Մանվելը, թե դատախազ Դավթյանը: Սակայն այսօր դատախազ Դավթյանը «համերաշխ է» հեղափոխական ամբոխի հետ՝ Մանվելի հարցում: Իսկ ամբոխն էլ իր հերթին հարցադրում չի անում, իսկ ո՞վ է Դավթյանը, որ «համերաշխ է» իրենց հետ Մանվելի հարցում: Այդպիսի հարցադրում չի անում, քանզի վերևից հրահանգ չի ստացել դրա վերաբերյալ: Քանզի այդ ամբոխը իրականանում վերևից կառավարվող գործիք է, և՝ ոչ ավել: Արդեն պարզ է, որ այսօրվա Հայաստանը հին Հայաստանի շարունակությունն է:
Այս իշխանությունը հին Հայաստանի վերջին իշխանությունն է լինելու, որից հետո է գալու իսկապես Նոր Հայաստանի ժամանակը: Բայց այդ ժամանակ, հնի հաշիվները մաքրելու ընթացքում, հաստատ Արթուր Դավթյանը պատասխանատվությունից չի խուսափելու, քանզի նա իրականում Մանվելից շատ ավելի վատն է թե իր մարդկային տեսակով, և թե իր ֆունկցիոնալ գործունեությամբ:
Դավիթ Մկրտչյան
Հետևեք մեզ Facebook-ում