Մատնահարդարներն ու դիմահարդարները պարտադիր բուժզննում պետք է անցնեն. Արսեն Թորոսյան

Որոշ ոլորտների աշխատողներ պետք է պարտադիր բուժզննում անցնեն։ Այդ մասին  կառավարության նիստում հայտարարեց առողջապահության նախարարի պաշտոնակատար Արսեն Թորոսյանը։

Նախարարն ընդգծեց, որ խոսքն այն մասնագիտությունների ներկայացուցիչների մասին է, որոնց միջոցով տեղի է ունենում վտանգավոր հիվանդությունների տարածում, դրանք հիմնականում  հեպատիտ C–ն և B-ն են: 

Ռիսկը պայմանավորված է նրանով, որ ըստ գործող կարգի` բուժաշխատողների, մատնահարդարների, ոտնահարդարների, դիմահարդարների և դաջվածքի մասնագետների համար նախատեսված չէ այդ վարակի նկատմամբ հետազոտություն, և հնարավոր չէ նրանց շրջանում բացահայտել հիվանդության առկայությունը։

Կառավարության որոշմամբ՝ տվյալ հաստատությունների աշխատակիցներին տարեկան մեկ անգամ հետազոտել որոշ հիվանդությունների նկատմամբ` այդ կերպ նվազեցնելով վարակի ռիսկը։

«Ապահովում ենք, որ տարբեր ոլորտների աշխատողներ, բուժաշխատողներ, մատնահարդարներ, ոտնահարդարներ և դաջվածքի մասնագետներ, սննդի ոլորտի աշխատողներ պարբերական զննություններ անցնեն, և եթե նրանց մոտ հայտնաբերվեն վտանգավոր հիվանդություններ, ապա նրանց գործունեությունը ժամանակավորապես կկասեցվի մինչև հիվանդությունների բուժումը»,– ասաց Արսեն Թորոսյանը: 

Zham.am