Նիկոլ Փաշինյանը ցանկանում է Ղարաբաղի ապագա նախագահի պաշտոնում տեսնել Արայիկ Հարությունյանի՞ն (Տեսանյութ)

Լրատվամիջոցներից մեկում գրեթե սենսացիոն տեղեկատվություն կարդացի այն մասին, որ Արայիկ Հարությունյանի ակտիվացումը, կապված Ղարաբաղում սպասվող փոփոխությունների հետ, պատահական բնույթ չի կրում: Ըստ լրատվամիջոցի, նրա թեկնածության վրա է կանգ առել «Ղարաբաղի ներքին գործերի մեջ չխառնվող» Նիկոլ Փաշինյանը:

Սակայն ամենահետաքրքիրը այն էր, որ պարզվում է, մինչև նախագահ դառնալը Արայիկ Հարությունյանը պարտադիր քաղաքական կոնսուլտացիաներ է անցել ... Լևոն Տեր-Պետրոսյանի մոտ, այն էլ... Արարատ Միրզոյանի միջնորդությամբ:

Փաստորեն ղարաբաղցի «Լֆիկ Սամոյի» համբավ ունեցող այս տեղական օլիգարխին ՀՀՇ-ական այսօրվա հոգեզավակները ուզում են Ղարաբաղի նախագահ դարձնել, որպեսզի հետո հեշտ կարողանան իրականացնել Տեր-Պետրոսյանի վաղեմի երազանքը՝ Ղարաբաղի հարցում, որպեսզի այդ ճանապարհին, Տեր-Պետրոսյանի օրը չընկնեն:

Ամեն ինչ վերադառնում է իր շրջանս յուր: 1998-ից հետո քաղաքական պատասխանատվության չենթարկվելուց հետո, այս ուժերի ներկայացուցիչների «լեզուները երկարեց», 2008-ին նախկին թալանչիներն ու ընտրակեղծարարության հիրմնադիրները կրկին «ազգի ու դեմոկրատիայի» առաջամարտիկներ դարձան, իսկ այսօր արդեն հայտ են ներկայացնում իրականացնել այն, ինչը նրանց չհաջողվեց 1997-ին...:

Ամեն ինչ տրամաբանական է և օրինաչափ, կարդացեք հայոց պատմության դառը էջերը դավաճանություններով լի և չեք զարմանա այսօրվա գործընթացներից:

Իսկ դուք ասում եք, թե ինչու է ոգևորված Մամեդյարովը:

Պարզապես ապշել կարելի է՝ այս ամենը տեսնելով:

Բայց և մեկ խոստովանություն էլ պիտի անել, որ այս քաղաքական գործընթացները լույս աշխարհ կրկին չէին գա, եթե չլինեին երկիրը քյարթու ձևով կառավարելու մեթոդները: Հենց այդ պատճառով է , որ մենք վճարելու ենք ծանր գինը, և այստեղ թուրքերի կամ ադրբեջանցիների մեղքը ամենավերջինն է:

Դավիթ Մկրտչյան