Գազը կթանկանա՞, թե՝ ոչ. նախարարը պարզաբանել է

Կառավարության նիստից հետո լրագրողները ՀՀ էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանից հետաքրքրվեցին՝ տարին վերջանում է, գազի գնի հետ կապված ռուսական կողմի հետ պայմանավորվածություններն ի՞նչ ընթացքի մեջ են  և արդյոք գինը նույնը կմնա, թե ոչ:

«Բանակցությունները շարունակվում են: Պայմանագրի ավարտվելը խնդիր չի, կերկարաձգվի, մինչև բանակցությունները կավարտվեն: Քանի դեռ պայմանավորվածություն չկա, հունվարի 1-ից գազի գինը կմնա այն, ինչ ունենք այսօր»,- ասաց նա՝ հավելելով, որ գնի նվազեցման ուղղությամբ կողմերի տրամադրվածությունը փոխշահավետ է ու բարեկամական:

Հիշեցնենք՝ Ռուսաստանի հետ գազի գնի վերաբերյալ պայմանագիրը ավարտվում է 2018թ. դեկտեմբերի 31-ին:

Zham.am