Տարոն Մարգարյանը Երեւանում չէ. նրան լուսանկարել են Մոսկվայի «Շերեմետեւո» օդանավակայանում (լուսանկարներ)
Armtimes.com կայքը հաղորդում է, որ Ֆեյսբուքյան օգտատերերից մեկը հրապարակել է Երեւանի նախկին քաղաքապետ Տարոն Մարգարյանի լուսանկարները, որոնք արվել են Մոսկվայի օդանավակայաններից մեկում: Լուսանկարներն ուղեկցվում են հետեւյալ գրառմամբ. «Երեկ Տարոն Մարգարյանը մեկնեց Մոսկվա։ Ըստ լուրերի՝ մշտական բնակության։ Շերեմետեւո օդանավակայանում՝ էկոնոմ կլաս»:
Նախկին քաղաքապետի մամլո խոսնակ Արթուր Գեւորգյանը, մեկնաբանելով այդ լուսանկարներն ու տեղեկությունները, նշեց. «ՀՀ ցանկացած քաղաքացի իրավունք ունի ազատ տեղաշարժի, ինչը բնավ չի նշանակում, որ տվյալ տեղաշարժը կարելի է դիտարկել որպես երկրից ընդմիշտ հեռանալ կամ այլ երկրում մշտական բնակություն հաստատել։ Տարոն Մարգարյանը ապրել, ապրում ու ապրելու է Երևանում»։
Թե ինչ նպատակով ու ինչ ժամկետով է Տարոն Մարգարյանը մեկնել Հայաստանից, Գեւորգյանը չի մանրամասնում:
Հետևեք մեզ Facebook-ում