«ԵՊՀ-ում կատարված խախտումները երկու կամ ավելի անգամ գերազանցելու են Ագրարայինին». Դավիթ Սանասարյան

Պետական վերահսկողական ծառայության պետ Դավիթ Սանասարյանը, լրագրողների հետ ճեպազրույցում ասաց, որ երկուշաբթի օրը վարչապետին կներկայացնի1 մլն դոլարին համարժեք դրամի հետբերումների տեղեկանքները:

«Մեր արած աշխատանքի արդյունքներն արդեն շոշափելի են և այս տարվա վերջին արդեն մենք կբերենք մի քանի անգամ ավել միլիոն դոլարի մուտքեր»,- նշեց նա և ավելացրեց, որ ստուգումներ են կատարվում նաև բարձրագույն ուսումնական հաստատություններում:

«Վերջացրել ենք Ագրարային համալսարանի ստուգումները: Նախկին ռեկտորը համաձայնվել է 350 մլն դրամի հետբերում անել պետբյուջե: Հիմա իրավապահների հետ հասկանում ենք դրանց ճանապարհը: ԵՊՀ-ի ստուգումներն առաջիկայում կվերջացնենք: Այստեղ ևս լուրջ խախտումներ կան: Նախանական տվյալներով երկու կամ ավելի անգամ գերազանցելու է Ագրարայինին: Դա վերջնական տվյալ չէ», — ասաց Սանասրյանը: 

Zham.am