«Քրեաօլիգարխիկ ուժերը հանրությանն ուղղորդել են Կապանի ընտրության ժամանակ». Նիկոլ Փաշինյան

ՀՀ ԱԺ-ում տեղի ունեցող արտահերթ նիստի ժամանակ վարչապետի պաշտոնակատար Նիկոլ Փաշինյանը հայտարարել է, որ հոկտեմբերի 21-ին Կապանում տեղի ունեցած քաղաքապետի ընտրությունում օգտագործվել է նախկին իշխանությանը հատուկ քրեական ուժերի հնարավորությունը:

Ըստ նրա՝ քրեաօլիգարխիկ ուժերը հանրությանն ուղղորդել են ընտրության ժամանակ, որի արդյունքում հաղթել է ոչ թե իրենց ներկայացրած թեկնածուն, այլ` ուրիշ անձ:

«Հարց է առաջանում, թե ինչու այդ պարագայում մենք ընդունեցինք Կապանի ընտրությունը և այն համարեցինք ժողովրդավարական: Քանի որ մենք ուզում ենք ցույց տալ, որ հարգում ենք ժողովրդի կարծիքը: Հին ընտրական համակարգով ու մտածողությամբ քվեարկել է բացարձակ փոքրամասնությունը, որը, ցավոք, եղել է վճռական»,- ասել է Փաշինյանը:

Zham.am