ՌԴ գլխավոր դատախազի տեղակալ Սահակ Կարապետյանը եւ եւս մեկ հայ ուղղաթիռի վթարի հետեւանքով մահացել են

ՌԴ գլխավոր դատախազի տեղակալ Սահակ Կարապետյանը մահացել է ուղղաթիռի վթարի հետեւանքով, հաղորդում է ՏԱՍՍ-ը` վկայակոչելով աղբյուրին: Մեկ այլ աղբյուրի համաձայն, Կարապետյանը արձակուրդում էր:

Ըստ տվյալների, ավիավթարը տեղի է ունեցել Կոստրոմայի մարզում:

Գլխավոր դատախազի տեղակալի մահվան մասին տվյալները հաստատել են «ՌԻԱ»-ի եւ «Ինտերֆաքսի» աղբյուրները:

Mash-ի փոխանցմամբ, «ՀելիպորտՄոսկվա» համալիրին պատկանող AS 350 B3 ուղղաթիռը առանց թույլտվության էր թռչում:

Telegram-ի ալիքի հաղորդմամբ, երթուղին պետք է ավարտվեր Սպասսկոե գյուղում, բայց նախօրեին օդաչուն վատ եղանակի պատճառով հարկադրական վայրէջք էր կատարել Դյակոնովո գյուղում: Երեկոյան ուղղաթիռն այդտեղից առանց թույլտվության թռել է, հավելում է Mash-ը:

Ըստ տվյալների, ուղղաթիռն ընկել է Վոնիշեվո գյուղի մոտ:

«Օդանավում 4 մարդ կար, այդ թվում դատախազի տեղակալ Սահակ Կարապետյանը: Բոլորը մահացել են», - ասվում է հաղորդագրությունում:

Ըդն որում «112» ալիքը հաղորդում է, որ մահացածները երեքն են:

«Բացի Կարապետյանից, դա օդաչու Միխնովն է եւ տեղացի Արեգ Հարությունյանը»:

Աղբյուր՝ NEWS.am