Բրյուսելյան հանդիպումը դարձել է իմ նոր հայ գործընկերոջ հետ առաջին բովանդակալից շփումը. Մամեդյարով

Ադրբեջանի արտգործնախարար Էլմար Մամեդյարովը ռուսական «ՌԻԱ Նովոստի»-ին տված հարցազրույցում խոսել է Ղարաբաղյան հակամարտության կարգավորման շուրջ բանակցությունների ընթացքից: Փոխանցում է Tert..am-ը:

Մամեդյարովը նշել է, որ կարգավորման գործընթացն առաջ տանելու համար անհրաժեշտ է առարկայական բանակցությունների ակտիվացում՝ գոյություն ունեցող ձևաչափի հիման վրա և առկա օրակարգի շրջանակում:

«Բրյուսելում կայացած հանդիպումը դարձել է իմ նոր հայ գործընկերոջ հետ առաջին բովանդակալից շփումը: Ինչպես ես արդեն նշեցի՝ մենք նպատակուղղված ենք արդյունքի, և պատրաստ ենք շարունակել այդ ուղղությամբ ինտենսիվ առարկայական երկխոսությունը: Այդ հանդիպումների վայրերը և ամսաթվերը տեխնիկական պահեր են, որոնք քննարկվում են համապատասխան կապի գծերով»,- նշել է Մամեդյարովը:

Ադրբեջանի արտգործնախարարը նաև պատասխանել է հարցին, թե արդյոք նախատեսվում է «Մոսկվա-Բաքու-Երևան» ձևաչափով արտգործնախարարների հանդիպում, քանի որ Ռուսաստանը համարվում է ղարաբաղյան կարգավորման գործընթացի հիմնական միջնորդը:

«Կրկնվեմ՝ Ադրբեջանը բաց է երկխոսության համար: Բայց դա պետք է լինի բովանդակալից և պատասխանատու բանակցություն՝ նպատակաուղղված արդյունքի»,- նշել է նա՝ հավելելով, որ այն է «Ադրբեջանի տարածքների դեօկուպացիայի գործընթացի շուտափույթ մեկնարկը»:

Մանրամասները՝ Tert.am-ում