Սփյուռքի ինքնատիպ նախարարը «գտել է», որ պետք է գնալ Սիրիա. «Լավ փիար կըլնի»

«Իրատես» թերթը գրում է. «Ասում են, թե սփյուռքի ինքնատիպ նախարար Մխիթար Հայրապետյանը նեղ միջավայրում օրերս «գտել» է, որ անհրաժեշտ է «գնալ Սիրիա, լավ փիար կըլնի»։ Ընդհանուր առմամբ, նորերը սիրում են «Բելիտաժում» նստել-նարգիլե ծխել ու «ազգի փիար վիճակը ծանրացնել սրտներին»։

Կհանդիպի՞ Սիրիայում Մխիթարը Ասադին, թե ոչ, «չի ասել»։ «Փիար» տրամանաբանությամբ առաջնորդվող իշխանության որոշ անդամների համար անգամ Սիրիան բացառապես գովազդվելու լայն դաշտի, երբեմն լուրջ գայթաքարի է վերածվում։

Հիշենք, որ նույն Սիրիայի հարցով նոր իշխանություններն արդեն իսկ տարընթերցում են ունեցել ամերիկյան կողմի, մասնավորապես, ԱՄՆ-ում ՀՀ դեսպանատան հետ՝ ԱԱԽ քարտուղար Արմեն Գրիգորյանի՝ ՀԱՊԿ պաշտպանության նախարարների և ԱԱԾ քարտուղարների հանդիպման ժամանակ հնչեցրած ելույթի առնչությամբ, ուր վերջինս ասել էր, թե Ռուսաստանը նպաստել է Սիրիայում լարվածության թուլացմանը, ինչին ամերիկյան կողմը կտրականապես համաձայն չի եղել և բարձրաձայնել է այդ մասին»:

Առավել մանրամասն՝ թերթի այսօրվա համարում