Խմելու ծորակից տեխնիկական ջուր է հոսում արդեն մոտ մեկ շաբաթ

Տավուշի մարզկենտրոն Իջևան քաղաքի բնակիչներից այսօր Zham.am-ի խմբագրություն ահազանգ է ստացվել, որ խմելու ջրի խողովակից արդեն քանի օր է պղտոր ջուր է հոսում: Սպառողների վկայությամբ վերջին օրերին քաղաքում չեն եղել հորդառատ անձրևներ, ինչը երբեմն իսկապես դառնում է նման խնդրի պատճառ, ուստի և անհասկանալի է մնում խմելու ջրի այսչափ պղտոր լինելու հանգամանքը: Քաղաքացիները նշում են, որ հնարավոր է ջրագծեր են վթարվել, որոնք անուշադրության են մատնվել: Սա վարկած է, այդպես է, թե` ոչ, դժվար է ասել, սակայն փաստ է մեկ բան. արդեն որերորդ օրն է մարդիկ խմելու ջրի ծորակից տեխնիկական ջուր են ստանում միայն: 

Ուշագրավ մեկ բան ևս. արդյոք նորմա է հորդառատ անձևրներից հետո ջրի պղտորումը, որը, ինչպես նշեցին քաղաքացիները, կարող է լինել: 

Եվս մեկ ուշագրավ բան, արդյոք նորմա է տարրական կենցաղային պայմանների..., ավելի ճիշտ կլինի ասել, ապրելու պայմանների տարրական հարցերի նման անուշադրության մատնումը.... 

Եվս մեկ ուշագրավ բան. արդյոք անմիջապես ուշադրության կարժանանա Իջևան քաղաքում ջրի աղտոտվածության խնդիրը և լուծում կստանա, և արդյոք մոտ մեկ շաբաթվա պղտոր ջրի համար պետք է վճարել այնքան, ինչքան մաքուր ջրի համար: 

Zham.am