Forbes-ի միլիարդատերերի համաշխարհային ցուցակում երեք հայ է հայտնվել

Ամերիկյան հեղինակավոր Forbes հանդեսը հրապարակել է 2018-ի միլիարդատերերի վարկանիշային աղյուսակը, որում ընդգրկված աշխարհի ամենահարուստ մարդկանց թվում նաև հայեր կան:

«Մագնիտ» ընկերության նախկին սեփականատեր Սերգեյ Գալիցկին (Հարությունյան - Zham.am) ցուցակում 550-րդ տեղն է զբաղեցրել: Նրա ունեցվածքը գնահատվում է 4 մլրդ դոլար: Գալիցկին այս տարվա փետրվարին «Մագնիտի» իր բաժնետոմսերի մի մասը 2,4 մլրդ դոլարով վաճառեց ՎՏԲ բանկին:

Էդուարդո Էռնեկյանը, որը բնակվում է Արգենտինայում, ընդգրկվել է Forbes-ի ցանկի 887-րդ հորիզոնականում: Նրա կարողությունը գնահատվում է 2.7 մլրդ դոլար:

«Տաշիր» հոլդինգի սեփականատեր Սամվել Կարապետյանի ունեցվածքը գնահատվում է 3,6 միլիարդ դոլար, նա գտնվում է վարկանիշի 606-րդ հորիզոնականում:

«Միլիարդատերեր 2018» վարկանշային աղյուսակի առաջատարը Amazon-ի հիմնադիր, ամերիկացի գործարար Ջեֆ Բեզոսն է, որի կարողությունը գնահատվում է 112 մլրդ դոլար:

Zham.am