«Իրենց ոտքի տակից հողը գնում ա». Ծառուկյանը՝ Փաշինյանի մասին
Այսօրվա ամփոփիչ հանրահավաքն անցկացնելու որոշումն ընդունվել էր դեռևս մեկ ամիս առաջ։ հունիսի 4-ին լրագրողների հետ զրույցում այդ մասին հայտարարել է «Բարգավաճ Հայաստան» կուսակցության ղեկավար Գագիկ Ծառուկյանը։
Նա պարզաբանել է, որ հենց այդ պատճառով չի կարողանա մասնակցել նախընտրական գլխավոր բանավեճին, որին մասնակցում են քաղաքական ուժերի պատգամավորության թեկնածուների համամասնական ցուցակները գլխավորող գործիչները։
«Հիմա ամբողջ թիմը սպասում է ինձ։ Ես մեծ հաճույքով կմասնակցեի, բայց եթե ես այսօր չգայի հանրահավաքին, ինչպիսի՞ն կլիներ հանրահավաքն առանց կուսակցության ղեկավարի։ Ընդ որում, բանավեճին իմ բացակայությունը չի ազդի ընտրությունների արդյունքներով մեր ստանալիք ձայների վրա»,- նշել է նա։
Հետևեք մեզ Facebook-ում