Մեղրի համայնքում նախադպրոցական կրթության հաստատություններ կբացվեն

Մոտական ժամանակ Սյունիքի մարզի Մեղրի համայնքի մի շարք գյուղերում նախատեսվում է նախադպրոցական կրթության հաստատությունների բացումը։

Այս մասին լրագրողների հետ զրույցում հայտնեց Մեղրի համայնքի ղեկավար Մխիթար Զաքարյանը։

«Առաջիկա ամիսներին նախատեսվում է համայնքի սահմանամերձ ՝ Լիճք, Կարճևան, Շվանիձոր և Լեհվազ գյուղերում ունենալ նախադպրոցական կրթության հաստատություններ։ Ծրագիրը շատ ծավալուն է և կարևոր է գյուղում երիտասարդությանը պահելու համար։ Նշված գյուղերում նախկինում եղել են գյուղական ամբուլատոր հաստատություններ, և այժմ այդ շենքերը ցանկանում ենք փոխարինել նախակրթական հաստատության համար»,- ասաց Զաքարյանը:

Ըստ նրա՝ նախագծային աշխատանքները համայնքի կողմից արդեն իրականացվել են։

Զաքարյանը նաև հայտնեց, որ իրենք դիմել են ՀՀ առողջապահության նախարարություն, որտեղ համաձայնել են ամբուլատորիաները անհատույց տրամադրել համայնքին։

Zham.am