«Դիտավորյալ արարքի հետևանք է»․ Արփինե Սարգսյան
«Բժշկական կենտրոնից ունեցել ենք ահազանգ, որ երեխա է տեղափոխվել ԲԿ և իրականացված օպերատիվ աշխատանքի արդյունքում պարզել ենք, որ ոչ թե պատահականության արդյունք է եղել տեղափոխումը, այլ կոնկրետ դիտավորյալ արարքի հետևանք է։ Նախարարության կողմից հաղորդում է ուղարկվել Քննչական կոմիտե, նախաձեռնվել է սպանության փորձով վարույթ և այն անձը, ով մեր տվյալներով կասկածվում է արարքի կատարման համար, անմիջապես ձերբակալվել է»,- «Նյուզ»-ի եթերում ասել է ՀՀ ՆԳ նախարար Արփինե Սարգսյանը՝ մեկնաբանելով երեկ Արարատի մարզում տեղի ունեցած մանկահասակ երեխային ծեծելու դեպքը։
Լրագրողի դիտարկմանը, որ 2025 թվականին 27 տոկոսով ավելացել է ընտանեկան բռնությունների թիվը, նախարարը նշել է․ «Սա մեր հասարակությունում նոր երևույթ չէ, և երբ խոսում ենք աճի մասին, ոչ թե ունենք աճի դրսևորումներ, այլ իրավագիտակցության մակարդակի բարձրացում, այսինքն՝ մեր քաղաքացիները, ի տարբերություն նախորդ տարիների, ավելի շատ են բարձրաձայնում իրենց հետ կապված ընտանեկան բռնությունների դեպքերի մասին»։
Հետևեք մեզ Facebook-ում