Արտառոց դեպք՝ Երևանում․ բուժառուներին հրաժարվում են ընդունել հիվանդանոցում

Այսօր՝ փետրվարի 2-ին, արտառոց դեպք է տեղի ունեցել Երևանում։

Երևանի 1-03 շտապօգնության բժիշկների հերթապահ բրիգադները 2 բուժառուի՝ մեկին Մալաթիա-Սեբաստիա, մյուսին էլ՝ Արաբկիր վարչական շրջաններից անգիտակից վիճակում տեղափոխել են «Արմենիա» բժշկական կենտրոն, որտեղ սակայն արդեն 40 րոպե է հրաժարվում են բուժառուներին ընդունել։ Հաղորդում է shamshyan.com-ը։

Այս պահին հիվանդանոցի բակում Երևանի 1-03 շտապօգնության բժիշկները շարունակում են Հիպոկրատին իրենց տված երդումը պահել, անհրաժեշտ բուժօգնություն ցուցաբերել, իսկ «Արմենիա» բժշկական  կենտրոնից ոչ մի բժիշկ, անգամ հերթապահ պատասխանատու բժիշկները չեն բարեհաճում ժամանել և խնդիրը գոնե քննարկել, թե ի վերջո բուժառուներին կընդունեն հիվանդանոց, թե կմնան բաց երկնքի տակ։

Աղբյուրը հայտնում է, որ միայն տեղում անվտանգության մի աշխատակից հետևում էր շտապօգնության բժիշկների աշխատանքին ու հեռախոսով հավանաբար վերադասին տեղեկություն էր հայտնում։

Աղբյուրի հարցին, թե ինչու շտապօգնությունը այդ դեպքում այլ բժշկական  կենտրոններ չի տեղափոխում այդ երկու բուժառուններին, շտապօգնության բժիշկը հայտնեց, որ նրանց համար նախատեսված է «Արմենիա» բժշկական  կենտրոնը, իսկ «Արմենիա» բժշկական  կենտրոնից այդպես էլ միչև այժմ ոչ մի դրական արձագանք։

Ավելին՝ սկզբնաղբյուրում։