3-րդ+ և 5-րդ+ ծնված երեխաներին տրվող 1 մլն և 1.5 մլն դրամ նպաստները նվազեցնում է 500 հազար դրամի

«Առաջարկում ենք, որ այս ծրագիրն իր ավարտից հետո վերածել մշտական պետական նպաստի, որը կշարունակվի նույն տրամաբանությամբ 3-րդ և հաջորդ երեխային 50 հազար դրամնի չափով մինչև 6 տարեկանը վճարել»,- կառավարության նիստում հայտնեց ԱՍՀ նախարար Արսեն Թորասյանը՝ զեկուցելով օրենսդրական փաթեթը։

Նա հիշեցրեց, որ կարգավորումը վերաբերում է ընտանիքում երրորդ և յուրաքանչյուր հաջորդ երեխային տրվող պետական աջակցության ծրագրին, որը ավարտվում էր ընթացիկ տարվա դեկտեմբերի 31-ին։ Թորոսյանը նշեց, որ հետվճարի դրույթը, որը հաջորդ տարի հունվարի 1-ից մտցվում է, գործելու է նաև այստեղ և ըստ նրա, 50-ը դառնում է 60 հազար։ «Գումարային 6 տարում դառնում է 4 մլն 320 հազար դրամ»,- ասաց Թորոսյանը՝ նշելով, որ այդ ծրագրով աջակցություն է ստանում 38.816 երեխա և մինչ օրս ծրագրի վրա 51.5 մլրդ են ծախսել»,-ասաց ԱՍՀ նախարարը։ Թորոսյանը նշեց, որ ներկայում գործում է երեխայի միանվագ ծննդյան նպաստները՝ հիշեցնելով, որ առաջին և երկրորդ երեխայի ծննդի դեպքում տրվում է 300 հազար դրամ, իսկ 3-4-ի դեպքում 1 մլն դրամ, իսկ 1.5 մլն դրամ 5-րդ և հաջորդ երեխայի դեպքում։

«Առաջարկում ենք բոլոր երեխաների ծննդի համար միանվագ օգնությունը սահմանել 500 հազար դրամ, ինչը նշանակում է, որ առաջին և երկրորդ երեխայի ծնվելու դեպքում ունենում ենք աճ»,- ասաց Թորոսյանը և ցանկանում էր շարունակել միտքը, որ նոր փոփոխությամբ դրանից հետո 3-րդ և 5-րդ ից հետո ծնված երեխաներին տրվող նպաստը համապատասխան 1 մլն և 1.5 մլն դրամից իջեցվում է 500 հազար դրամ։

Նիկոլ Փաշինյանը ընդհատեց Թորոսյանին՝ նշելով, որ բոլոր դեպքում էլ աճ է լինում, քանի որ այդ երեխաների համար մինչև 6 տարեկանը գործում է նաև ամսական 50 հազարական դրամները։

«Երրորդ կարգավորումը բոլոր տեսակի նպաստները և կենսաթոշակներն անկանխիկ դարձնելուն է վերաբերում»,- ասաց Թորոսյանը։