Նոր սկանդալ Ադրբեջանում. ադրբեջանական ֆինանսավորմամբ անցկացվող ցուցահանդեսում ներկայացվել է Ստեփանակերտում արտադրվող կոնյակը

Ադրբեջանում նոր սկանդալ է հասունանում: Ըստ ադրբեջանական լրատվամիջոցների՝ ՌԴ մայրաքաղաք Մոսկվայում անցկացվող «ՊրոդԷքսպո-2018»-ի ժամանակ, որի  գլխավոր հովանավորն է հանդիսացել Ադրբեջանի կառավարությունը, ներկայացվել է «Ստեփանակերտի կոնյակի գործարան»-ի  արտադրության կոնյակը, ինչը զայրույթ է առաջացրել Բաքվում:

Այս թեմայով ադրբեջանական լրատվամիջոցներում մի շարք հրապարակումներ եղան, և լրագրողները պարզաբանումների համար դիմեցին նաև Ադրբեջանի էկոնոմիկայի նախարարություն, որտեղից հայտնեցին, իբր հայկական կողմը խաբեության միջոցով է կարողացել ցուցահանդեսում ներգրավել արցախյան կոնյակը՝ ներկայացնելով այն իբրև Հայաստանի Սյունիքի շրջանում գրանցված ընկերության արտադրանք: Ադրբեջանի նախարարությունից նաև հայտնել են, որ իրենց հաջողվել է կանխել արցախյան կոնյակի ցուցադրությունը:

Հետաքրքիրը նաև այն է, որ բացի «Ստեփանակերտի կոնյակի գործարան»-ի արտադրանքից հիշյալ ցուցահանդեսին ներկայացվել է նաև «ԱրցախԲիո» ապրանքանիշը, որը ցուցադրվել է առանց որևէ խոչընդոտների:

Zham.am