Երևանում փրկարարները թթվածնային բալոններով ներս են մտել հանրակացարան և դուրս բերել Ադրբեջանի 64-ամյա քաղաքացուհուն (ֆոտոշարք)

Այսօր՝ փետրվարի 5-ին, արտակարգ դեպք է տեղի ունեցել Երևանում: Ժամը 18:45-ի սահմաններում ՀՀ Արտակարգ իրավիճակների նախարարության Փրկարար ծառայության օպերատիվ կառավարման կենտրոն ահազանգ է ստացվել, որ Երևան քաղաքի Մոլդովական փողոցի թիվ 29/2 շենքի ( նախկին հանրակացարաններ) բնակարաններից մեկի վատառողջ բնակչին իր բնակարանից շտապօգնության ավտոմեքենային մոտեցնելու համար անհրաժեշտ է փրկարարների օգնությունը։

Ինչպես հայտնում է ֆոտոլրագրող Գագիկ Շամշյանը, օպերատիվորեն դեպքի վայր են մեկնել ՀՀ Արտակարգ իրավիճակների նախարարության Փրկարար ծառայության թիվ 9 հրշեջ-փրկարարական ջոկատը՝ 2 մարտական հաշվարկով` խմբի պետ Արման Ժամկոչյանի գլխավորությամբ:

Փրկարարները թթվածնային հատուկ շնչառական սարքերով ներս են մտել և բնակչին՝ 64-ամյա Պիրիեվա Սվետլանային ցուցաբերել են համապատասխան օգնություն ու երկրորդ հարկից իջեցրել շտապօգնության ավտոմեքենայի մոտ:

Գ. Շամշյանի տեղեկություններով՝ կնոջ տվյալների մեջ առկա է Ադրբեջանի Հանրապետության գրանցում:

Աղբյուրը՝ Shamshyan.com