Բաքուն Մոսկվային հնարավորություն չի տվել այցելելու Ռուսաստանի քաղաքացիներին․Զախարովա (տեսանյութ)

Բաքուն շարունակում է Մոսկվային հնարավորություն չտալ այցելելու ՌԴ քաղաքացիներին, այդ թվում` Sputnik Ադրբեջանի լրագրողներին։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Նրա խոսքով՝ ռուսական գործակալության լրագրողները երկար տարիներ աշխատել են Բաքվում, և դա չի հարուցել որևէ կողմի դժգոհությունը։ ԶԼՄ-ների ներկայացուցիչները պահպանել են մասնագիտական էթիկան և հյուրընկալող երկրի օրենքները:

«Այդ հարցը բազմիցս դրել ենք Ադրբեջանի առաջ։ Մենք նաև խնդրել ենք այցելել Ռուսաստանի քաղաքացիներին, այդ թվում՝ ռուսական ԶԼՄ-ների ներկայացուցիչներին, սակայն նման հնարավորություն չի տրվել։ Հույս ունենք, որ նրանք, ովքեր ցանկանում են փչացնել երկկողմ հարաբերությունները, զերծ կմնան հետագա սադրիչ քայլերից»,-ասել է Զախարովան։

Նա նաև կոչ է արել ռուսաստանցիներին Ադրբեջան ուղևորություններ պլանավորելիս հաշվի առնել ներկայիս իրավիճակը:

«Դա երկու կողմերի կողմից բարձրաձայնված խնդիրների քննարկում էր։ Հետևաբար, սա պարզապես արձանագրում չէր։ Ակնհայտ է, որ մի շարք ասպեկտներ կամ պահեր, որոնք մենք այժմ դիտարկում ենք, մեղմ ասած, չեն նպաստում երկկողմ հարաբերություններին, այլ միայն վատթարացնում են դրանք։ Այս ամենի մասին հայտարարվել է դեսպանին»,–հավելել է նա։

Աղբյուրը՝ arm.sputniknews.ru