Ինչու չի ջրվում Դավթաշենի նորոգված այգին. ո՞վ է կերել փողերը

Դավթաշենի այգին արդեն երեք տարի է, «բարեկարգման» պատրվակով, մնացել է առանց ջրի, և եղած ծառերը չորանում են։
Այս մասին բնակիչները ահազանգել են Երևանի ավագանու «Ազգային առաջընթաց» խմբակցության անդամ, Երևանի պետական բժշկական համալսարանի Հիգիենա և էկոլոգիա ամբիոնի դոցենտ, բ.գ.թ. Քրիստինա Վարդանյանին: Նա հունիսի 23-ին այցելել էր այգին, հանդիպել դավթաշենցիների հետ, զրուցել և ուսումնասիրել ծառերի ու ոռոգման համակարգի վիճակը։

Հիշեցնենք, որ ավելի վաղ ևս անդրադարձել էինք Դավիթաշենի այս միակ զբոսայգու անհարկի ձգձգված նորոգման ընթացքին, որի վրա ավելի քան 1 միլիոն դոլարին համարժեք գումար է ծախսվել, և որի հետ կապված խնդիրների վրա  պարբերաբար ուշադրություն են հրավիրել ավագանու նաև «Մայր Հայաստան» խմբակցության անդամները: 

Բայց այգին, փաստորեն, չորացման ռեժիմի տակ է: 

Մանրամասն՝ լրագրող Նարինե Կիրակոսյանի յութուբյան էջում զետեղված տեսանյութում:
Լուսանկարները՝ Արմեն Հակոբյանի