ԱԺ դիմաց լարված վիճակ էր. Մատվիենկոն խորհրդարանից դուրս եկավ «ֆաշիստներ, մարդասպաններ» վանկարկումների ներքո

ԱԺ դիմաց բացի արևմտամետներից ակցիա են իրականացնում նաև ռուսամետ քաղաքացիները։ Արևմտամետներն այստեղ են ԵՄ դրոշներով, Ռուսաստանին դատապարտող գրություններով ցուցապաստառներով, իսկ ռուսամետները՝ ՌԴ դրոշներով, հայ-ռուսական բարեկամության մասին գրառումներով ցուցապաստառներով։

«Այլ համբալներ, սպիտակ թուրք ես դու, ո՞վ խփեց» տևական ժամանակ հնչում էին նման խոսքեր։ Նրանց միջև մի պահ լեզվակռիվ սկսեց, լարված իրավիճակ առաջացավ, հնչեցին միմյանց ուղղված վիրավորանքներ, հայհոյանքներ, նույնիսկ սպառնալիքներ։

«Մեր ակցիան այս եվրոպամետների դեմ է, նրանք թուրքի գործակալներ են»,-լրագրողների հետ զրույցում ասաց մի տղամդր, որ ձեռքին պահում էր «Հայաստան-Ռուսաստան համագործակցություն հանուն խաղաղության ու բարգավաճման» գրառմամբ պաստառը։

Ակցիայի մասնակիցներից մի կին ասաց՝ եկել են ողջունելու տիկին Մատվիենկոյի այցը Հայաստան։ Նա ձեռքին ուներ «Եղբայրական ժողովուրդներ ընդհանուր ապագա» գրությամբ ցուցապաստառ։

Նրանք բողոքեցին, ԱԺ դարպասների մոտ լարված իրավիճակը ստեղծվեց, քանի որ իրենց սադրել են, նույնիսկ ոստիկանները չեն կարողանում հանդարտեցնել ցուցարարներին։

Երբ ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն դուրս եկավ խորհրդարանի շենքից նրան դիմավորեցին տարբեր բացականչություններով՝ Ռուսաստան, չքվիր, ֆաշիստներ, մարդասպաններ և այլն։
Աղբյուրը` Panorama.am