Եկեղեցու դեմ նիկոլական քարոզչությունը շարժվում է գեբելսյան սկզբունքներով՝ ինչքան մեծ սուտ, ինչքան մեծ հիմարություն, այդքան շատ հավատացողներ

Դեռ Գեբելսն էր ասում, որ քարոզչության հիմնական թշնամին ինտելեկտուալիզմն է։ Ինչքան շատ են հիմարները, այդքան հեշտ է կեղտոտ ու հիմար քարոզչություն մատուցել, հավատացնել։

Հիմա եկեղեցու դեմ նիկոլական քարոզչությունը շարժվում է գեբելսյան սկզբունքներով՝ ինչքան մեծ սուտ, ինչքան մեծ հիմարություն, այդքան շատ հավատացողներ։

Այսօր լսում եմ, որ ինչ-որ մի քաղաքագետ հայտարարում է, թե ԿԳԲ-ն «պրովոդով» խեղդամահ է արել Խորեն Մուրադբեկյան կաթողիկոսին ու հետո մի մեծ դավադրապաշտական տեսություն է կառուցում։ Դա դեռ մի կողմ՝ նիկոլական քարոզիչները հայտարարում են, թե անընդունելի է, որ եկեղեցին իշխանության դեմ դուրս գա, ու օրինակ բերում, որ Գերմանիայում նման բան չի կարող լինել։

Նախ, մինչ այժմ հաստատված ու ապացուցված չէ, որ Խորեն Մուրադբեկյանը խեղդամահ է արվել։ «Պրովոդով» կաթողիկոս խեղդելը դասվում է կեղծ (ֆեյք) լուրերի շարքին։ Նման վկայությունը վերագրվում է կաթողիկոսի գավազանակիր Գեղամ Կլեկչյանին։ Սակայն հետագայում պարզվել է, որ Գեղամ Կլեկչյանը կաթողիկոսի մահվան օրը արդեն մի շաբաթ ձերբակալված է եղել ու գտնվել է կալանավայրում։ Ուստի նա որևէ բանից չէր կարող տեղյակ լինել։

Խորեն Մուրադբեկյանի մահվան հանգամանքներին ծանոթանալու համար կարող եք կարդալ պ․գ․թ․ Քանաքարա Հայրապետյանի «ԱՄԵՆԱՅՆ ՀԱՅՈՑ ԿԱԹՈՂԻԿՈՍ ԽՈՐԷՆ Ա. ՄՈՒՐԱԴԲԷԿԵԱՆԻ ՄԱՀՈՒԱՆ ԱՌԵՂԾՈՒԱԾԻ ՇՈՒՐՋ» հոդվածը, որը տպագրվել է «Էջմիածին» հանդեսում։ Հղումը ներքևում կտեղադրեմ՝ կարդացեք ու կրթվեք։ Թե՞ կեղտոտ քարոզչություն անելու համար «կրթվելը նորաձև» չէ։