Նալբանդյան․ Հայաստանն անում է ամեն ինչ՝ ռազմական հավասարակշռությունը պահպանելու համար

Հայաստանը անում է ամեն ինչ ռազմական հավասարակշռությունը պահպանելու համար։ Այս մասին հայտնել է Հայաստանի ԱԳ նախարար Էդվարդ Նալբանդյանը հունվարի 29-ին, ամփոփելով 2017-ին ԱԳՆ իրականացրած աշխատանքները (ֆոտոռեպորտաժ)։

Պատասխանելով Ադրբեջան ռուսական զենքի մատակարարումների մասին հարցին՝ նախարարը հիշեցրել է, որ պետության ղեկավարն ու ինքը բազմիցս խոսել են այդ մասին։ Կրկնելու անհրաժեշտություն չկա։ Սակայն նա նշել է, որ այդ հարցը հատուկ շեշտադրումներով է քննարկվում Բաքվում։ Հայաստանն անում է ամեն ինչ հավասարակշռությունը պահպանելու համար, այդ թվում՝ գործածելով դաշնակցային հարաբերություններից բխող հնարավորությունները ու ավելի ցածր գներով ձեռք բերելով սպառազինում, շեշտել է նախարարը։

Նա նաեւ հիշեցրել է, որ ռուսական կողմը՝ ռազմակայանի տեղակայման մասին համաձայնագրում կատարված փոփոխությունների համաձայն, ապահովում է Հայաստանի անվտանգությունը։ Իհարկե, ակնհայտ է, որ Ռուսաստանը կարեւոր դեր է կատարում կայունության պահպանման գործում՝ ոչ միայն որպես ՄԽ համանախագահ, այլեւ որպես կարեւոր տարածաշրջանային դերակատար։

Պատասխանելով փուլային կարգավորման մասին Ռուսաստանի ԱԳ նախարար Սերգեյ Լավրովի հայտարարության մասին հարցին՝ Նալբանդյանը նշել է, որ փուլային կամ փաթեթային տարբերակի մասին հարցադրումը կարող էր ակտուալ լինել 20 տարի առաջ։ Իսկ այսօր դա այլեւս ակտուալ չէ, միջնորդները բազմիցս ասել են, որ հարցը պետք է լուծվի առաջարկների փաթեթի հիման վրա, ու սկզբունքներից մեկն առանձնացնելու փորձերն անհնար կդարձնեն կարգավորումը։ Սակայն փաթեթային կարգավորումը ենթադրում է փուլային իրականացում, նկատել է նախարարը։

Մանրամսները՝ NEWS.am-ում: