Պուտինը չի մեկն ի Թուրքիա. ի՞նչ է դա նշանակում

Ինչպես հայտնի է, վերջին օրերին ամբողջ աշխարհը քննարկում էր մեկ հարց. կհաստատվի՞ արդյոք զինդադար ռուս-ուկրաինական ճակատում, թե՞ ոչ:

Արևմտյան երկրներն, Ուկրաինայի հետ միասին, առաջարկում էին 30-օրյա դադար հաստատել և սկսել բանակցություններ Մոսկվայի հետ: Կրեմլն արհամարհեց այդ առաջարկը և հայտարարեց, որ պատրաստ է «ուղղակի բանակցել Կիևի հետ Ստամբուլում, մայիսի 15-ին»՝ առանց նախապայմանների:

Արևմտյան երկիրները մեղադրեցին Պուտինին այս առաջարկի համար, նշելով, որ առանց կրակի դադարեցման՝ հնարավոր չէ սկսել բանակցությունները:

Սակայն ԱՄՆ-ի նախագահ Թրամփը կոչ արեց Զելենսկուն՝ չմերժել Պուտինի առաջարկը և գնալ Ստամբուլ բանակցությունների՝ առանց նախապայմանների:

Զելենսկին այս անգամ որոշեց լսել ոչ թե եվրոպացի լիդերներին, այլ Թրամփին և հայտարարեց, որ պատրաստ է Ստամբուլում ուղիղ բանակցել Պուտինի հետ:

Դրանից հետո ամբողջ աշխարհը գուշակում էր, թե Պուտինը անձամբ պատրա՞ստ է բանակցել Զելենսկու հետ, թե՞ ոչ:

Թրամփն իր հերթին հայտարարեց, որ եթե Պուտինը մեկնի Ստամբուլ, ապա ինքը անպայման  կմիանա այդ բանակցային գործընթացին և կհորդորի Զելենսկուն՝ համաձայնվել Պուտինի առաջարկների հետ, որպեսզի հնարավոր լինի զինադադար հաստատել:

Սակայն այսօր պարզ դարձավ, որ Պուտինը չի գնա Ստամբուլ և նույնիսկ չի ուղարկի իր արտգործնախարար Լավրովին, ինչն արևմտյան շրջանակները  գնահատեցին որպես քամահրանք բանակցային գործնթացի նկատմամբ:

Այսօր հայտնի դարձավ ռուսական պատվիրակության կազմը:

Կրեմլը մայիսի 14-ի երեկոյան հրապարակեց ռուսական պատվիրակության կազմը։ Այն կգլխավորեն Ռուսաստանի նախագահի օգնական Վլադիմիր Մեդինսկին (ով գլխավորել է պատվիրակությունը 2022 թվականի բանակցություններում), փոխարտգործնախարար Միխայիլ Գալուզինը, Զինված ուժերի գլխավոր շտաբի գլխավոր վարչության պետ Իգոր Կոստյուկովը և պաշտպանության փոխնախարար Ալեքսանդր Ֆոմինը։

Նախատեսված էր, որ Ուկրաինայի պատվիրակության կազմում կլինեն նախագահ Վլադիմիր Զելենսկին, նախագահի աշխատակազմի ղեկավար Անդրեյ Երմակը, ինչպես նաև արտաքին գործերի և պաշտպանության նախարարությունների ղեկավարներ Անդրեյ Սիբիհան և Ռուստեմ Ումերովը։ Բացի այդ, հանդիպմանը ներկա պիտի լիներ  Զելենսկու դիվանագիտական ​​խորհրդական Իգոր Ժովկվան։

Սակայն հասկանալի է, որ Պուտինի որոշումից հետո՝ չգնալ Ստամբուլ, Զելենսկին նույնպես չի մասնակցի բանակցություններին: Ո՞վ կղեկավարի ուկրինական պատվիրակությունը, նույնպես հայտնի չէ:

Տպավորությունն այնպիսին է, որ ո՛չ ռուսական , ո՛չ էլ ուկրաինական կողմը չեն հավատում զինդադարի հաստատմանը: Պարզապես երկու կողմն էլ փորձում են ցույց տալ, որ հենց հակառակ կողմն է պատերազմը շարունակելու կողմնակիցը:

Սակայն Թրամփի թիմը կողմ է, որ Զելենսկին գնա փողզիջմանբ և չի բացառվում, որ այս բանակցային գործնթացն ավարտվի մի ինչ-որ համաձայնագրով:

Սա է իրականությունը:

Արտակ Հակոբյան
Zham.am