2 անգամ զանգահարել են Տիգրանի հայրիկին և երեխայի լացի ձայն միացրել
2-ամյա Տիգրանի կորելու մասին տեղեկությունը, ցավոք, շահարկվում է տարբեր անձանց կողմից. ավելին՝ կան մարդիկ, որոնք առանց հիմքերի երեխայի առևանգման իմիտացիա են ստեղծում։
Վերջին օրերին փոքրիկի հայրը ստացել է բազմաթիվ տարօրինակ հեռախոսազանգեր, այդ թվում՝ կեղծ զանգեր նրա հնարավոր գտնվելու վայրի մասին։ Ամենասարսափելին եղել է մի զանգ, որի հեղինակը զանագահարել է փոքրիկի հորը ու միացրել երեխայի լացի ձայն, ապա անջատել հեռախոսը։
«ՆԳՆ ոստիկանությունը պարզել է զանգահարողի ինքնությունը, հայտնաբերել նրան»,-այս մասին «Փաստինֆո»- ին ասաց ՆԳՆ խոսնակ Նարեկ Սարգսյանը։
Նա նաև հավելեց, որ երեխային որոնողական աշխատանքներն ինտենսիվ շարունակվում են։
Հիշեցնենք, որ փոքրիկը կորած է համարվում մայիսի 4-ին։ Ս. Սարգսյանի փոխանցմամբ՝ իրավապահ մարմինները դիտարկում են թե դժբախտ պատահարի տարբեր վարկածները, թե հանցավոր դրսևորումները, նաև՝ առևանգումը։
Որոնողական աշխատանքներն իրականացվում են թե գետում, թե ցամաքում։
Հետևեք մեզ Facebook-ում