Ավտովթար ՆԳՆ-ի դիմաց. բախվել են «Hyundai» և «Opel» մակնիշի ավտոմեքենաներ. 1 մարդ մաhացել է, 2-ը՝ վիրավnրվել

Այսօր՝ մարտի 19-ին, մահվան ելքով ավտովթար է տեղի Երևանում: Ժամը 01:20-ի սահմաններում Նալբանդյան 130 հասցեի՝ ՀՀ Ներքին գործերի նախարարության դիմաց, բախվել են «Hyundai» և «Opel» մակնիշի ավտոմեքենաները: Ինչպես դեպքի վայրից հայտնում է shamshyan.com-ը, վթարի հետևանքով Գեղարքունիքի մարզի բնակիչ 40-ամյա Ռոման Օ.-ն և 22-ամյա Աշոտ Բ.-ն մարմնական վնասվածքներով տեղափոխվել են Հերացու անվան 1-ին համալսարանական հիվանդանոց, իսկ Երևանի բնակիչ 25-ամյա Պետրոս Դ.-ն տեղում մահացել է: Դեպքի վայր են ժամանել ՀՀ ներքին գործերի նախարարության փրկարար ծառայության Երևանի թիվ 5-րդ հրշեջ-փրկարարական ջոկատից 1 մարտական հաշվարկ:

Փրկարարները հոսանքազրկել են ավտոմեքենաները, փակել գազաբալոնի փականն ու տեղում իրականացրել հերթապահություն: Դեպքի վայրում 2 քաղաքացի ասում էին, որ իրենք «Opel»-ի մեջ են եղել և նրանք ենթարկվել են սթափության փորձաքննության, եղել են ոչ սթափ: Քննիչի հանձնարարականով՝ ավտոմեքենաները տեղափոխվում են ՊԾ Երևան քաղաքի գնդի պահպանվող հատուկ տարածք:

Պարզվում է նաև, թե մահացածը որ ավտոմեքենայի մեջ է եղել, իսկ 2 քաղաքացիներից մեկը չէր ենթարկվում պարեկների և ոստիկանների օրինական պահանջներին, և կան նաև օպերատիվ տեղեկություններ, որ հենց այդ քաղաքացին էլ եղել է «Opel»-ի վարորդը, ով նաև զրկված է եղել ավտոմեքենա վարելու իրավունքից և պետք է այն վերականգնելու համար նոր քննություն հանձներ, սակայն չի արել: