Ավինյանի «ընթերցանությունը» 54 մլն դրամ է արժեցել. «Ժողովուրդ»
«Ժողովուրդ» օրաթերթը գրում է. «Երեւանում մարտի 1-ին եւ 2-ին Շառլ Ազնավուրի անվան հրապարակում տեղի ունեցավ «Երեւանը կարդում է» գրական-երաժշտական միջոցառումը, որը, «Ժողովուրդ» օրաթերթի տեղեկություններով, Երեւանի քաղաքապետարանի եւ հպարտ հարկատու քաղաքացու համար արժեցավ 54 մլն 991 հազար (գրեթե 55 մլն) դրամ, որը համարժեք է 140 հազար դոլարի։
Քաղաքապետարանից միջոցառմանն ընդառաջ հայտնել էին, որ մարտի 1-ից հրապարակում կգործի գրքերի տոնավաճառ, իսկ մարտի 2-ին տոնավաճառին զուգահեռաբար կկայանա համերգ, որտեղ ելույթ կունենան «Լավ էլի», Սոնա Գյուլխասյան – Ռաֆայել Պետրոսյան, «Ջազ քնեքշն» եւ «Նեմրա» խմբերը։
Միջոցառման ընթացքում կազմակերպվել էին պանելային քննարկումներ, նաեւ ընթերցանության անկյուն, որտեղ ժամանակակից եւ դասական հեղինակների ստեղծագործություններ էին կարդում հայտնի եւ տաղանդավոր դերասաններն ու արտիստները։
ՀՀ Պետական գնումների կայքից «Ժողովուրդ» օրաթերթը տեղեկացավ, որ կնքված պայմանագրի համաձայն՝ Ազնավուրի անվան հրապարակում տեղադրվել է 17 վրան, որոնք վարձակալությամբ են տվել գրքավաճառներին։
Այս միջոցառման համար անգամ 28 հատ հատուկ պահարաններ են պատրաստվել»:
Առավել մանրամասն թերթի այսօրվա համարում
Հետևեք մեզ Facebook-ում