Թրամփ-Զելենսկի սկանդալային հանդիպման արձանագրումից իր հետևությունը պիտի անի նաև Փաշինյանը

Երեկ աշխարհի թիվ մեկ թեման դարձավ Սպիտակ տանը Թրամփի և Զելենսկու հանդիպմանն արձանագրված աննախադեպ սկանդալը, որտեղ կողմերը միմյանց սկսեցին սուր հակադարձել ռուս-ուկրաինական հարցի կարգավորման շուրջ:

Ընդ որում, դա կատարվեց տեսախցիկների և բոլորի աչքի առջև և, բնականաբար, դրանից հետո հանդիպումն ընդհատվեց, և Զելենսկին ստիպված, արագ հեռացավ հանդիպման վայրից:

Իսկ ամեն ինչ սկսվեց նրանից, որ համատեղ արարողակարգային նախնական ճեպազրույցի ընթացքում նախագահ Թրամփը հայտարարեց, որ «...Ուկրաինայում հրադադարի մասին համաձայնագիրը անխուսափելի է, 
և այդ ուղղությամբ արդեն բանակցություններ են ընթանում...»։

Ինչին ի պատասխան, Զելենսկին նշեց, թե՝ «... Մենք երբեք չենք ընդունի հրադադարը, քանի  որ Ռուսաստանի նախագահ Վլադիմիր Պուտինը 25 անգամ խախտել է Ուկրաինայի հետ նախկինում ձեռքբերված 
հրադադարի պայմանավորվածությունները, ուստի Ուկրաինան չի 
պատրաստվում նորից հավատալ Ռուսաստանի խոստումներին...»։

Ավելին, Զելենսկին նշեց նաև, որ թանկարժեք մետաղների շուրջ համաձայնագրի հարցով էլ ԱՄՆ-ի հետ հարցեր կան:

Որից հետո սկսվեց բառացի բանավեճ Զելենսկու, Թրամփի և փոխնախագահ Վենսի միջև, որտեղ Զելենսկին ռուսական սլենգի համաձայնր բաց թողեց ռուսերեն «сука» բառը, ինչը ափից հանեց ամերիկացիներին և վերջիններս սկսեցին վիրավորական արտահայտություններով հանդես գալ: Արդյունքում Զելենսկին լքեց Սպիտակ տունը և համատեղ մամլո-ասուլիսը, ինչպեսև՝ հայտարարված պաշտոնական ճաշը չկայացան:

Այդ բանավեճի ողջ իմաստն այն էր, որ Զելենսկին առաջարկում էր փաստացի շարունակել պատերազմը, մինչդեռ Թրամփը նշում էր, որ դա կարող է հանգեցնել Երրորդ համաշխարհային պատերազմի, և, բացի այդ, ամերիկացիներն են մեծ չափի վճարում այդ պատերազմի համար, ինչին Զելենսկին ակնարկում էր, թե Ուկրաինան իր դիրքորոշամբ պաշտպանում է, ոչ միայն իրեն այլև ողջ Արևմուտքին:

Ամերկացիները դա գնահատեցին որպես դեմագոգիա, նշելով, որ ժամանակն աշխատում է ռուսների օգտին, իսկ Զելենսկին փաստացի ակնարկեց, որ պատերազմի կանգնեցնելուն կողմ չէ:

Որից հետո Թրամփը հայտարարեց, որ Զելենսկին պատրաստ չէ խաղաղության, իսկ պատերազմը կարող է հանգեցնել համաշխարհային պատերազմի:

ԱՄՆ-ի պետքարտուղար Մարկ Ռուբիոն հայտարարեց, որ Զելենսկին պիտի ներողություն խնդրի Թրամփից, իսկ Թրամփի նախկին խորհրդական, մեր համար, տխրահռչակ Ջոն Բոլթոնը, ճիշտ հակառակը՝ պաշտպանեց Զելենսկուն և նշեց, որ Թրամփի շրջապատը պիտի հրաժարական տա և հեռանա:

Զելենսկին այս սկանդալից հետո մեկնել է Լոնդոն՝ այնտեղ փորձելով ստանալ իր համար աջակցություն:

Դա էլ հուշում է, թե այս պահին  որտեղ է գտնվում Թրամփի ընդդիմադիրների գլխավոր կենտրոնակայանը:

Եվ իզուր չէ, որ Իլոն Մասկը նախկինում նշել էր, որ Թրամփի հաղթանակից հետո, գլխավոր փոփոխությունը պիտի կատարվի Մեծ Բրիտանիայում, ակնարկելով, որ գլոբալիստների գլխավոր կենտրոնը գտնվում է Լոնդոնում:

Բոլորի համար պարզ է, որ այն Արևմուտքը, որը կար նախկինում, այլևս վերանում է: Արևմուտքը կանգնած է մեծ փոփոխությունների շեմին, սակայն դա կարող է խլել ժամանակ:

Քանզի գլոբալիստների կողմից գործի դրած «21 դարի գեբելսյան քարոզչական մեքենան», իր ազդեցությամբ պակաս դեր չի կատարել, այն քարոզչության համեմատ, որն աշխարհը տեսավ 1933-ից հետո Գերմանիայում:

Այդ քարոզչության պատճառով Գերմանիայում հաստատվեց նացիստական ռեժիմ՝ հակասեմիտիզմի գաղափարախոսական հենքի հիման վրա: Հետո այն տարածվեց մի շարք եվրոպական երկրներում, իսկ վերջնարդյունքում դա բերեց Երկրորդ համաշխարհային պատերազմին:

Այսօր պարզապես այդ գաղափարի գլխավոր նպատակը՝ Երրորդ Ռեյխի հիմնումը, փոխարինվել է ԵՄ-ի կառուցման գաղափարով, որն էլ, իր հերթին, պիտի իր ռազմական կառույցի հետ միասին, փորձի ընդլայնվել ողջ աշխարհով մեկ՝

մետաստազներ տալով ԵՄ-ին հարևան երկրներում, Ուկրաինայում, Մոլդովայում, Վրաստանում, Հայաստանում և այլն:

Սակայն երբ այդ գլոբալ կայսրության գլխավոր երկրում՝ ԱՄՆ-ում փոխվեց իշխանությունն, ու Թրամփի վարչակազմն ուզում է դուրս բերել իր երկիրը այդ կեղծ կայսերական միավորումից, որում ամենից շատը տուժում են ամերիկացիները, քանի որ իրենք են դարձել այդ կայսրության գլխավոր ֆինանսավորողները, պարզ է դառնում, որ այդ կայսրությունը կանգնած է փլուզման առջև:

Բնականաբար, այդ գործնթացը օգնելու է, որ Վրաստանի, Մոլդովայի, Ուկրաինայի և Հայաստանի ազգայի-դեմոկրատական ուժերը նույնպես մաքրեն իրենց երկրներում այդ մետաստազները:

Ով ուշացավ կամ չկարողացավ դա անել, այդ երկիրն էլ կտուժվի:

Մյուս կողմից, այն «քաղաքական մետաստազը», ով առաջինը հասկացավ, որ ժամանակն է անվտանգ հեռանալու, կկարողանա իր երկրին քիչ վնասելով հեռանալ իշխանությունից և հայտնվել անվտանգության մեջ:

Հենց այս դասի մասին պիտի մտածեն և՛ մեր ազգային-դեմոկրատական ուժերը, և՛  Փաշինյանը:

Սա է իրականությունը:

Դավիթ Մկրտչյան
Zham.am