Քաղաքագետ. Ղարաբաղում պատերազմ կանխատեսելը դժվար է, բայց սահմանին սրացումներ կլինեն (Տեսանյութ)

Լուրջ սրացումներ 2017-ին չեղան՝ թե հայ-ադրբեջանական, թե արցախա-ադրբեջանական սահմանին, այսօր սահմանին 2013 թ.-ի վիճակն է: 2018-ից քաղաքագետը հրաշալի և սարսափելի ոչինչ չի սպասում: Այսօր լրագրողների հետ հանդիպմանը նման տեսակետ հայտնեց քաղաքագետ Ալեքսանդր Իսկանդարյանը:

Ադրբեջանում կայանալիք ընտրությունների ժամանակ սահմանին սրացումները բանախոսը չբացառեց, նրա խոսքով՝ դա փորձված գործիք է, սակայն սրացում կարող է լինել ոչ միայն ընտրությունների ժամանակ, դրանք հարմարեցվում են ինչ-ինչ այցերի հետ, տնտեսական վիճակի դինամիկայի հետ: Քաղաքագետի խոսքով՝ Բաքվի իշխանությունների համար ԼՂ հարցը գործիք է, ուստի ոչ թե՝ պետք է ակնկալել, այլ՝ անպայման սրացում կլինի, հարց է՝ ինչ չափի, որքանով կկարողանանք դրանք սահմանափակել:

ՀՀ և Ադրբեջանի ԱԳ նախարարների հանդիպումից քաղաքագետը ակնկալիքներ չունի, նրա խոսքով՝ ԼՂ հարցը այն փուլում չէ, որ ինչ-որ փոփոխություններ ակնկալվեն, հանդիպման թեմաները ԼՂ խնդրի կարգավորմանը չեն վերաբերում, բոլոր հարցերը անվտանգության մասին են, Մինսկի խումբը վաղուց չի զբաղվում հակամարտության կարգավորմամբ, օրակարգում անվտանգության խնդիրն է:

Մանրամասները՝ Zham.am-ի տեսանյութում:

Zham.am