Եթե դուք տուժել եք հունիսի 12-ին ոստիկանության զորքերի ոչ իրավաչափ գործողություններից, դիմեք մեզ, կօգնենք. «Հայաքվե»
Ինչպես արդեն տեղեկացրել ենք, ՀՀ գլխավոր դատախազությունն ընթացք է տվել հունիսի 12-ին ԱԺ-ի դիմաց ցուցարարների հանդեպ ոստիկանության զորքերի ոչ իրավաչափ գործողությունների մասին հանցանքի հաղորդմանը, որը պատրաստել և ներկայացրել էր «ՀայաՔվեն»: Նյութերը քննում է ՀՀ քննչական կոմիտեի ՀԿԳ քննության գլխավոր վարչությունը: Այս մասին հայտարարություն է տարածել «Հայաքվե» նախաձեռնությունը:
«Եթե դուք ևս տուժել եք հունիսի 12-ին ոստիկանության զորքերի ոչ իրավաչափ գործողություններից, խնդրում ենք գրել մեր ֆեյսբուքյան էջին: Մենք կօգնենք ձեզ` ձեռք բերելու տուժողի դատավարական կարգավիճակ և վերականգնելու ձեր խախտված իրավունքները:
«ՀայաՔվեն» հետամուտ է լինելու ոստիկանական բռնությունների մեղավորների ամբողջական շրջանակի բացահայտմանն ու պատասխանատվության ենթարկելուն»,-ասված է հաղորդագրության մեջ:
Հետևեք մեզ Facebook-ում