Իրանում նախագահ է ընտրվել բարեփոխական Մասուդ Փեզեշքիանը

Բարեփոխական Մասուդ Փեզեշքիանը հաղթել է Իրանի նախագահական ընտրությունների երկրորդ փուլում՝ դառնալով երկրի իններորդ նախագահը։ Այդ մասին հայտարարել է Իրանի ներքին գործերի նախարարության ընտրական հանձնաժողովի ղեկավարը;

Նախնական արդյունքներվ, Մասուդ Փեզեշքիանը ստացել է 16 միլիոն 384 հազար 403 ձայն, իսկ պահպանողական Սաիդ Ջալիլին՝ 13 միլիոն 538 հազար 179 ձայն։
Հիշեցնենք, որ օրերս Zham.am-ն ընդարձակ վերլուծականով անդրադարձել էր երկրորդ փուլ անցած հիմնական թեկնածուներին: Իսկ ավելի վաղ մեր քաղաքական մեկնաբանը Փեզեշկիանի վերաբերյալ նշել էր. «Նրա օգտին կքվեարկեն ազգային փոքրամասնությունները՝ ադրբեջանցիները, քրդերը, լուրերը, բելուջիները և Իրանի խոշորագույն քաղաքները՝ Թեհրանն ու Թավրիզը։ Բացի այն, որ նա կիսով չափ ադրբեջանցի, կիսով չափ քուրդ է, նա նաև Իրանի այսօրվա քաղաքականության արմատական վերափոխման կողմնակից է:

Փեզեշկիանը կարծում է, որ պետք է արմատապես լավացնել հարաբերությունները Արևմուտքի հետ, որի արդյունքում երկրի տնտեսությունը կարող է զարգացման նոր լիցք ստանալ»: