Կիրանցեցի Լենա տատիկ. Դժոխքի դռանն ենք ապրում. Panorama.am
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Թշնամին շարունակում է ապատեղեկատվություն տարածել
Պատկերացրեք թե ինչպիսի Հայաստան են ուզում մեր թշնամիները... Արա Պողոսյան
Թշնամին ավերել է Արցախի Տանձատափ եկեղեցին
Իրանագետ Վարդան Ոսկանյանի թելեգրամյան գրառումը․ «Բաքվի բարբարոսական վարչախմբի պարագլուխն իր ներկայությամբ իսկ պղծել է մեր սրբի մասունքները, մեր նախնիների քաղաքակրթական ջանքի արգասիքը, մեր իշխանուհու՝ «ի թուրքաց պատերազմին» զոհված որդու հիշատակին կառուցած մեր տաճարը, Քարվաճառն ազատագրած մեր հերոսների հիշատակը, մեր պատիվն ու արժանապատվությունը։
Սրա նկարը երբեք չէի տեղադրի, բայց միգուցե սթափեցնող լինի տարատեսակ «ֆեստիվառների» և այլ «կառնավալների» ֆոնին։
Դեսպանների այցը Կիրանց հարթ չի ընթացել
«Մեր գյուղը մնացել է անտեր։ Չկա այն, որ եղել է, չունենք այն, ինչ ունեցել ենք»,- Կիրանցում «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանի հետ հանդիպմանն ասաց կիրանցեցի Լենա տատիկը։
«Կամուրջին տիրանում են, ասում են՝ թուրքին է: Ո՞նց է թուրքինը, որ մենք ենք սարքել: Մնացել ենք եթիմ երեխու պես։ Մեզ մի լավ տեր է պետք, չմնանք անտեր, որ տիրություն անի մեզ։ Ապրում ենք, բայց ապրել չէ, որ ապրում ենք, դժոխքի դռանն ենք ապրում»,- ասաց Լենա տատիկը։
--
«Այժմ Կիրանցից մի քանի հարյուր մետր հեռավորության վրա ադրբեջանական դրոշն է։ Դա ժամանակավոր բնույթ է կրում, այլընտրանքային ճանապարհը կառուցելուց հետո ավելի առաջ կգան»,- Կիրանցում լրագրողներին ասաց պահեստազորի գնդապետ Միհրան Մախսուդյանը։
Նա նշեց, որ ճանապարհի կառուցումից հետո թշնամին հասնելու է նոր կառուցվող դպրոցից 50-60 մետր հեռավորության վրա։
Մախսուդյանը նշեց, որ արդեն 60 հեկտար հողատարածք հակառակորդի տարածքում է։
Հենց այն պահին, երբ նա զրույցում էր լրագրողների հետ, այլընտարնքային ճանապարհի կառուցման աշխատանքներ էին իրականացվում, նաև քանդվում էր տուն, որն հենց այդ ճանապարհի վրա էր։ Նաև գյուղացիներն են քանդում իրենց տներն այն հատվածներում, որոնք պետք է անցնեն թշնամուն։
Միհրան Մախսուդյանը հայտնեց, որ նախկինում գործող կամուրջը մնում է հակառակորդի տարածքում, նոր կամուրջ են կառուցում. «Կամուրջից 120 մետր այս կողմ, դեպի մեզ, հակառակորդը նստելու է։ Դա ըստ ներկայացված քարտեզի»։
«Ըստ լուրերի մեր դիրքերում հերթափոխը կատարվում են ջրի միջով, հակառակորդն անգամ ճանապարհ չի տալիս հերթափոխն իրականացնել։ Հստակ չեմ կարող ասել, գյուղացիներն են ասում»,- ասաց Մ.Մախսուդյանը։
https://www.youtube.com/watch?v=lD7wwGc8-Cw
--
«Կիրանցցիները տեխնիկայով քանդում են իրենց տները, չեն թողնում թշնամուն։ Մյուս տներն էլ թշնամու խիստ վերահսկողության տակ են անցնում, մի քանի մետր հեռու է լինելու թշնամու սահմանը»,- Կիրանցում լրագրողներին ասաց բանկիչներից մեկը։
Նա նշեց, որ գյուղն ընկնում է փակուղու մեջ, բոլոր կումունիկացիաները թշնամու վերահսկողության տակ են։
«Թշնամու դիտարկման տակ են տները, դպրոցը, գերեզմանը, ճանապարհը»,- նշեց Կիրանցի բնակիչը։
--
Աղբյուր` Panorama.am
Հետևեք մեզ Facebook-ում