Գինարբուք է լինելու. Երևանի որոշ փողոցներ փակվելու են

Ըստ երևույթին՝ Կիրանցի ու Տավուշի մարզի մի շարք այլ հատվածներ թշնամուն նվիրելու, հայ մարդկանց տները քանդելու, թշնամուն ուղղակիորեն հայկական գյուղերի մոտ դիրքավորելու պանծալի առիթով, Երևանում գինարբուք է լինելու: 
Դա կոչվում է «Երևանի գինու օրեր» փառատոն:
Ավինյանի գլխավորած քաղաքապետարանից հայտնում են, որ այդ գինի կլանելու «փառատոնով» պայմանավորված՝ հունիսի 5-ից մինչև 10-ը փակ կլինեն մայրաքաղաքի կենտրոնի որոշ հատվածներ։

Ստորև քաղաքապետարանի տարածած տեքստը. 

««Երևանի գինու օրեր» ամենամյա փառատոնի կազմակերպչական աշխատանքների, տաղավարների և բեմերի տեղադրման և այլ բարձր ձայնով մոնտաժային և ապամոնտաժային աշխատանքների իրականացման նպատակով մի քանի փողոցների երթևեկությունը դադարեցվելու է միջոցառումներից 2 օր շուտ՝ հունիսի 5-ի առավոտյան ժամը 08:00-ից սկսած մինչև հունիսի 10-ի առավոտյան ժամը 08:00-ը:  

Ըստ այդմ՝ դադարեցվում են հետևյալ փողոցների երթևեկությունը՝

•    Սարյան-Եկմալյան խաչմերուկից դեպի Սարյան-Պուշկին խաչմերուկը: Սարյան փողոցից դեպի Եկմալյան փողոց տանող ներքին փողոցը բաց կլինի երթևեկության համար:

•    Պուշկինից-Սարյան խաչմերուկից դեպի Սարյան-Մոսկովյան-Թումանյան խաչմերուկը:

•    Սարյան-Մոսկովյան-Թումանյան խաչմերուկից դեպի Սպենդարյան-Մոսկովյան խաչմերուկը, երթևեկությունը՝ Սպենդարյան փողոցով դեպի Մոսկովյան 28 շենքի ետնաբակը՝ միայն բնակիչների համար անցանելիությամբ: 

•    Սպենդարյան-Մոսկովյան խաչմերուկից դեպի Մոսկովյան-Զորյան խաչմերուկը, երթևեկությունը՝ Բաղրամյան-Մաշտոց հատման հատվածի անցանելիությամբ:

•    Սարյան-Մոսկովյան-Թումանյան խաչմերուկից դեպի Թումանյան-Փարպեցի խաչմերուկը՝ Փարպեցու փողոցով ձախ դեպի Թումանյան փողոց անցանելիությամբ:

Պատճառված ժամանակավոր անհարմարության համար հայցում ենք ձեր ներողամտությունը»: