Հայաստանի ինքնիշխանությունը տապալված է, տեսնում ենք պետական դավաճանության դրսևորումներ.Արամ Օրբելյան
«Կոնցեռն դիալոգ» փաստաբանական ընկերության կառավարիչ-գործընկեր, միազգային իրավունքի մասնագետ Արամ Օրբելյանը «5-րդ ալիքի» «Օրագիր» ծրագրին տված հարցազրույցում նշեց. «ԱԱԾ-ի հայտարարությունն ուղղված չէ հասարակական կարգի պահպանմանը, արդեն մի քանի տարի է՝ սահմանադրական կարգը խաթարող, ոչ իրավաչափ վարքագիծ են դրսեւորում կառավարությունում նստած մարդիկ»:
Հարցազրույցի հիմնական թեզերը.
Ժողովուրդը ներկայացրել է իր պահանջը՝ ՀՀ-ն ունի օրենքներ եւ Սահմանադրություն, դրանք չի՛ կարելի խախտել:
Մարդը, որ վարչապետի աթոռ է ստանում, չի ստանում իրավունք՝ անել ամեն ինչ, իշխանությունը շարունակում է մնալ ժողովրդինը:
Մեծ սուտ են ասում, թե չեն ուզում, որ Հայաստանը սահման ունենա, Հայաստանի Հանրապետությունը ունի՛ սահման:
Ադրբեջանը հավակնում է, որ կիպրական սցենարով Հայաստանում Արեւմտյան Ադրբեջանի Հանրապետություն ձեւավորվի:
Սա իշխանության յուրացում է, առնվազն, քրեական վարույթ հարուցելու հիմքեր կան, Փաշինյանը չունի լիազորությունը, բայց ստեղծել է հանձնաժողով եւ չունեցած լիազորություն է տվել նրան:
Պարզ ասում են՝ ժողովուրդ ջան, պատրաստ եղե՛ք՝ մենք հանձնելու ենք Տիգրանաշենը, հանձնելու ենք Տավուշի ներքին գյուղերը, բայց Ադրբեջանը մեր տարածքները չի վերադարձնելու:
Միջազգայի իրավունքն ավտոնոմ չի աշխատում, այն դիվանագիտության եւ միջազգային հարաբերությունների հավելյալ գործիք է:
Պատերազմի լեգիտիմ իրավունք հասկացություն չկա, դա նոնսենս է:
Հայաստանի ինքնիշխանությունը տապալված է, մենք տեսնում ենք պետական դավաճանության դրսեւորումներ:
Տեղի է ունենում հանցագործություն, իրավապահ համակարգը պետք է արձագանքի: ԱԱԾ-ն եւ ոստիկանությունը թող հանգիստ լինեն՝ նրան հեռացնելու օրենքի տառին համապատասխան տարբերակներ կան:
Որեւէ ուժ ԱԺ չի եկել տարածքներ հանձնելու մանդատով:
Հայաստանի Հանրապետությունը իրական է, այնտեղ Արարատը խորհրդանիշ է:
Կա լուծում եւ դա պատերազմը չէ, իսկ եթե պատերազմ է լինելու, ավելի լավ է՝ լինի ավելի շուտ, քան ավելի ուշ:
Բոլորի վրա, ովքեր ասել են՝ այս բանը չանենք, որ խնդիր չլինի, քրեական գործեր են հարուցվել:
Մանրամասն՝ տեսանյութում:
Հետևեք մեզ Facebook-ում