«Հավաքվենք, մեր հաշտ չլինելը հայտնենք». պատերազմի մասնակից Իշխան Գևորգյան

Պատերազմի («44-օրյա») մասնակից Իշխան Գևորգյանը, որ օրերս 72 ժամանոց նստացույց էր սկսել կառավարության շենքի առաջ՝ իր անհաշտությւոնը հայտնելով երկրի տարածքները թշնամուն հանձնելու որոշմանը, երեկ երեկոյան դադարեցրել է նստացույցը: Սակայն անհաշտության ակցիան յուրովի շարունակվելու է, որպես «հերթապահություն»: 
Իշխան Գևորգյանը այդ մասին նշել է ֆեյսբուքյան գրառման մեջ. «Ավարտվեց իմ նստելու 72 ժամը: Զորակցությունս բոլոր քաղբանտարկյալներին:
Ծանոթացա բազում իրական հայերի հետ, ովքեր նույնպես այս ամենի հետ հաշտ չեն:
Ժամը 3-ին իմացա, որ Բագրատ Սրբազանը Տավուշում պայքարող հայերի հետ գալու է Երևան:
Մենք որոշեցինք շուրջօրյա հերթափոխ սահմանել ու այստեղ ստեղծել այս իրավիճակի հետ անհաշտ մարդկանց անկյուն:
Հավաքվենք, մեր հաշտ չլինելը հայտնենք, քննարկենք այս վիճակից դուրս գալու ուղիները, վերջում դիմավորենք երթը` Բագրատ Սրբազանի առաջնորդությամբ:
Համեցեք ամեն օր նույն վայր:
Ես հաշտ չեմ: Դո՛ւ էլ հաշտ մի եղիր:
Հ.Գ. Պայքարը Շարունակվում է: Տարածեք թող մարդիկ իմանան: Այս գիշեր իմ ընկերներ Անդոն ու Արմանն են լինելու տեղում»: