Ապօրինի հրամանները չպետք է կատարել. Սեյրան Օհանյան (տեսանյութ)

Խորհրդարանի «Հայաստան» խմբակցության ղեկավար Սեյրան Օհանյանը «5-րդ ալիքի» «Օրագիր» ծրագրին տված հարցազրույցում ընդգծել է, որ սա Տավուշի խնդիրը չէ, Հայաստանի շուրջ օղակը սեղմվում է, մենք գտնվում ենք դիպուկահարի լազերային ճառագայթի նշանակետի տակ է, հակառակորդը կանգ չի առնելու:
Հարցազրույցի հիմնական թեզերը.
Ապօրինություն է կատարվում, խախտվում են սահմանագծման եւ սահմանազատման բոլոր ընթացակարգերը:
Բանակը հետ քաշելու համար գրավոր հրաման է հարկավոր, թո՛ղ գրավոր գրեն, ինչը հետագայում հիմք կհանդիսնա առերեւույթ քրեական հետապնդում իրականացնելու:
Ապօրինի հրամանները չպետք է կատարել, դա հանցագործություն է:
Ապօրինի հրամանների դեմ ընդվզելը յուրաքանչյուր քաղաքացու իրավունքն է, սա միակ ճանապարհն է:
Տարիներ ի վեր Տավուշի պաշտպանական հատվածը ամրացվել է եւ դարձել է օրինակելի: Սա մի ամբողջական գոտի է, մեկ կետի հանձնումը նշանակում է հարվածի տակ դնել ամբողջը:
Խաղաղության պատրաստվելու համար պետք է ստեղծել երաշխիքներ, առաջին երաշխիքը բանակն է, այն արագ կարող է վերականգնել իր մարտունակությունը:
Այօրվա ռազմաքաղաքական իրավիճակում իշխանությունը պետք է ապրի արտակարգ իրավիճակում, ի՞նչ կյանքով է ապրում օրվա քաղաքական էլիտան, երբ Փաշինյանն ասում է, թե կարող է պատերազմ լինել:
Նա լեգիտիմ չէ, իր բոլոր ծրագրերը չի կատարել:
Մեր շահերի հետևից առաջինը Հայաստանի Հանրապետությունը պետք է գնա, խելացի ղեկավարության եւ ներուժի համախմբման պարագայում ինքնուրույն ի վիճակի ենք շատ խնդիրներ կատարել մեր տարածաշրջանում:
Ռուսաստանի շուրջ բախման կետերը փորձում են ավելացնել՝ Հայաստանի գլխի տակ փափուկ բարձ դնելով :
Խնդիրը այն չէ, թե որտեղ ում հետ ով բախում կունենա, խնդիրը այն է, թե ում ոտքերի տակ մենք կհայտնվենք ու կդառնանք ռազմական գործողությունների պոլիգոն:
Մանրամասն՝ տեսանյութում: