Այդ քարտեզները կան, օրիգինալները պահպանվում են Մոսկվայում. Վարդան Պողոսյան (տեսանյութ)

«5-րդ ալիքի» «Օրագիր» ծրագրին տված հարցազրույցում սահմանադրագետ և միջազգայնագետ Վարդան Պողոսյանը նշում է, որ Ոսկեպարի հանձնումը նշանակում է ՀՀ ինքնիշխանության հանձնում, նույն ռազմավարական նշանակությունունի Տիգրանաշենը:

Հարցազրույցի հիմնական թեզերը.
Փաշինյանը թաքցնելու բան ունի, առայժմ նա սահմանափակվում է 4 գյուղ նշելով:
Փաշինյանը սկսել է Հայաստանի տարածքները փուլ առ փուլ հանձնելու գործընթացը, ամբողջ կառավարությունը, սահմանազատման հանձնաժողովը հանցակից է նրան, պետական դավաճանության, թշնամու կողմն անցնելու հանցակազմն ակնհայտ է:
Անկլավային հասկացություն Հայաստանի օրենսդրությամբ գոյություն չունի, բացե՛ք եւ կարդացեք:
Փաշինյանը Ադրբեջանի Հանրապետության արտակարգ եւ լիազոր դեսպանն է: Սյունիքում Թուրքիան, Ադրբեջանը եւ ՀՀ կառավարությունը պատրաստում են մի ծրագիր, որտեղ Հայաստանի ինքնիշխանությունը արտաքուստ խախտված չի լինի, բայց իրականում ինքնիշխանություն չի լինի:
Սեփական ժողովրդին ահաբեկելով՝ Փաշինյանը ստիպում է ժողովրդին համակերպվել, թե իբր վերադառնում ենք խորհրդային սահմաններին, այդ օրակարգը ինքն է սահմանել, Ադրբեջանը ամենալավ երազում անգամ դա չէր կարող տեսնել:
1984-87-ականներին Հայաստանն ու Ադրբեջանը սահմանազատման եւ սահմանագծման գործընթաց են սկսել, ստորագրվել է արձանագրություն՝ 1988թ հունվարի 12-ին, դրան կցված են բոլոր հարեւան սովխոզների եւ կոլխոզների սխեմատիկ քարտեզները, դա ֆիքսվել է փոխվարչապետերի մակարդակով:
Այդ քարտեզները կան, օրիգինալները պահպանվում են Մոսկվայում, կրկնօրինակները՝ 3-ական օրինակ, յուրաքանչյուր հանրապետությունում, մեր հարցումներին խուսափողական պատասխան են տալիս, թաքցնում են:
Ալմաթիի հռչակագրում եւ կից արձանագրության մեջ խոսք չկա սահամնների մասին, այնտեղ նշվում է, որ ստորագրող պետությունները ճանաչում են միմյանց տարածքային ամբողջականությունը՝ գոյություն ունեցող սահմաններով:
Հայաստանին նույն ճակատագիրն է սպասում, ինչ ԵՄ անդամակցության հերթում կանգնած մյուս երկրներին:
Սա ողբերգական հետեւանքներ է ունենալու Հաաստանի համար, Արեւմուտքնն ասելու է՝ ես երաշխիք չեմ տվել: